Bota

“Kurrë nuk kam ndjerë kaq turp nga vendi im”, këshilltari rus në OKB jep dorëheqjen

Vendimin e tij ai e ka bërë të ditur në faqen e tij në Facebook, ku  theksoi se një nga qëllimet e atyre që shpalosën luftën është që të qëndrojnë përgjithmonë në pushtet, në altarin e të cilit janë të gatshëm të sakrifikojnë aq jetë sa duhet. 

23 Maj 2022, 15:44 Nga DOSJA
“Kurrë nuk kam ndjerë kaq turp nga vendi im”,
Boris Bodarev

RUSI- Këshilltari i përfaqësuesit të përhershëm rus I OKB-Së në Gjenevë, Boris Bodarev, ka dhënë dorëheqjen pasi kundërshton luftën në Ukrainë. 

Vendimin e tij ai e ka bërë të ditur në faqen e tij në Facebook, ku  theksoi se një nga qëllimet e atyre që shpalosën luftën është që të qëndrojnë përgjithmonë në pushtet, në altarin e të cilit janë të gatshëm të sakrifikojnë aq jetë sa duhet. 

“Në njëzet vitet e karrierës sime diplomatike, kam parë kthesa të ndryshme në politikën tonë të jashtme, por kurrë nuk kam ndjerë një turp të tillë për vendin tim sa më 24 shkurt të këtij viti".-shkroi ai në Facebook.

Ai theksoi se ofensiva e nisur nga Putin ndaj Ukrainës nuk është vetëm një krim kundër popullsisë ukrainase por kundër gjithë botës perëndimore.

"Ofensiva e bërë nga Presidenti rus Vladimir Putin kundër Ukrainës, por në fakt kundër gjithë botës perëndimore, nuk është vetëm një krim kundër popullit ukrainas, por madje do të thoja një krim i urryer kundër popullit të Rusisë”, shkruan ai në postimin e tij.

Sipas tij, ilustrimi më i mirë i rënies së këtij sistemi ishte kreu i Ministrisë së Punëve të Jashtme Sergei Lavrov. Brenda 18 viteve ai u bë një intelektual profesionist dhe i arsimuar, aq i vlerësuar, një njeri që sipas Bodarev vazhdimisht bën deklarata kontradiktore dhe kërcënon botën me armë bërthamore.

"Sot Ministria e Jashtme ruse nuk merret me diplomaci, pasi gjithçka kthehet në nxitje për luftë, në gënjeshtra, në urrejtje. Kjo i shërben interesave të shumë, shumë pak njerëzve, të cilët në këtë mënyrë kontribuojnë në izolimin dhe rënien e mëtejshme të Rusisë."-shtoi ai.

Bodarev shton se ka njëzet vjet që është diplomat dhe se Ministria e Jashtme për të ka qenë shtëpia dhe familja e tij po se tani nuk mund të marri më pjesë në këtë turp të përgjakshëm, të pakuptimtë dhe krejtësisht të panevojshëm.

Bodarev është ndoshta diplomati i parë rus që njoftoi dorëheqjen e tij për shkak të luftës në Ukrainë. Ministria e Jashtme ruse nuk e ka komentuar ende dorëheqjen e tij. Në mars, diplomatë nga dhjetëra vende evropiane u larguan nga Këshilli i OKB-së për të Drejtat e Njeriut ndërsa u transmetua fjalimi i Lavarov në konferencën e çarmatimit.

(d.a/dosja.al)

Sondazh

Poll

MË SHUMË