Bota

Dhjetra të vdekur, miliona të bllokuar, ç'kanë shkaktuar përmbytjet në Indi

Të paktën 100 fshatra në Zakiganj u përmbytën pasi përmbytjet vërshuan nga verilindja e Indisë.

22 Maj 2022, 14:11 Nga DOSJA
Dhjetra të vdekur, miliona të bllokuar, ç'kanë
Foto ilustruese

AZIA JUGORE-Shirat e dendur kanë shkaktuar përmbytje të përhapura në pjesë të Bangladeshit dhe Indisë, duke lënë miliona njerëz të bllokuar dhe të paktën 57 të vdekur.

Administratori kryesor i qeverisë së rajonit, Sylhet Mosharraf Hossain, njoftoi se në Bangladesh, rreth 2 milionë njerëz janë mbytur nga përmbytjet më të këqija në veri-lindje të vendit për gati dy dekada.Të paktën 100 fshatra në Zakiganj u përmbytën pasi përmbytjet vërshuan nga verilindja e Indisë.

"Rreth dy milionë njerëz janë bllokuar nga përmbytjet deri më tani," tha Hossain.

Sipas The Guardian, shumë pjesë të Bangladeshit dhe rajonet fqinje në Indi janë të prirura ndaj përmbytjeve dhe ekspertët thonë se ndryshimi i klimës po rrit gjasat e ngjarjeve ekstreme të motit në mbarë botën.

Në shtetin Assam, i cili kufizohet me Bangladeshin, të paktën 14 persona humbën jetën nga rrëshqitjet e dheut dhe përmbytjet. Gati 90,000 njerëz janë zhvendosur në strehimoret shtetërore, pasi nivelet e ujit në lumenj janë të larta dhe zona të mëdha toke mbeten të zhytura në shumicën e rretheve.

Uji i përmbytjeve ka hyrë në shumë pjesë të qytetit Sylhet, më i madhi në veri-lindje, ku një zyrtar tjetër tha se rreth 50,000 familje kanë qenë pa energji prej ditësh.

(d.d)/dosja.al

Sondazh

Poll

MË SHUMË