Aktualitet

Zgjerohet grupi/ Izolohen në regjimin '41 bis' dy vëllezërit Çala e Viktor Ymeri

Ky vendim i Manjës vjen pas një bashkëpunimi të ngushtë me agjencitë e zbatimit të ligjit SPAK, DBP, Policia e Shtetit, SHISH, SHKB. Gjithsesi, Ministri i Drejtësisë nuk bën me dije arsyet që e kanë shtyrë të mbyllë në 41 bis tre të burgosurit.

20 Maj 2022, 17:33 Nga DOSJA
Zgjerohet grupi/ Izolohen në regjimin '41 bis' dy
Eldi Çala, Klement Çala dhe Viktor Ymeri

TIRANË- Tre të burgosur janë mbyllur në regjimin e posaçmë për një vit rresht. Bëhet fjalë për Viktor Ymerin alias Viktor Bajraktari i njohur ndryshe si ‘Tori i Xhihanes’, daja i Edison Harizaj që u rikthye në qeli i akuzuar për vrasjen e Vajdin Lamaj, ngjarje e ndodhur në vitin 2005. Dy të tjerët janë dy vëllezërit Çala, Klement dhe Eldi, të cilët janë marrë të pandehur si të përfshirë në grabitjen e Rinasit të ndodhur në vitin 2019.

Ky vendim i Manjës vjen pas një bashkëpunimi të ngushtë me agjencitë e zbatimit të ligjit SPAK, DBP, Policia e Shtetit, SHISH, SHKB. Gjithsesi, Ministri i Drejtësisë nuk bën me dije arsyet që e kanë shtyrë të mbyllë në 41 bis tre të burgosurit.

Zbatimi i regjimit 41-bis në burgjet shqiptare ka nisur që prej gushtit të 2020. Në ato qeli qëndrojnë  të burgosurit me rrezikshmëri të lartë apo ata që thyejnë rregullat gjatë paraburgosjes e burgosjes. Banda e Shullazit me shtatë anëtarët: Emiljano Shullazi, Blerim Shullazi, Gilmando Dani, Endrit Zela dhe Endrit Qyqja, si dhe Arbjon Aliko e Genci Balla ishin shtatë të parët që u bënë pjesë e këtij regjimi. Më pas ju bashkuan Arbër Çekaj, Redjan Rraja, Fatmir Pjetri dhe Aleksandër Llanaj.

(F.m/dosja.al)

Sondazh

Poll

MË SHUMË