Aktualitet

DOSJA-‘Plumbi i artë’/ Zbërthimi i Dumanit dhe Hoxhajt, 4 ‘bossa’ krimi POROSISNIN atentate

Dy të penduarit e drejtësisë me ato që kanë thënë kanë goditur 8 në Tiranë, Durrës dhe Elbasan, duke zbardhur vrasje të bujshme që kanë tronditur vendin. Disa prej tyre nisin që nga viti 2011 deri së fundmi, më 29 mars, ditë kur Nuredin Dumani u vu në prangat e Policisë së Shtetit.

20 Maj 2022, 15:06 Nga DOSJA
DOSJA-‘Plumbi i artë’/ Zbërthimi i Dumanit dhe Hoxhajt, 4
Të përmendurit në dosje

TIRANË- Më shumë se 12 janë ngjarjet kriminale mendohet se janë zbardhur nga dëshmia e Nuredin Dumanit dhe ushtarit të tij, Henrik Hoxhaj për hetuesit e Prokurorisë së Posaçme kundër Korrupsionit dhe Krimit të Organizuar. Dy të penduarit e drejtësisë me ato që kanë thënë kanë goditur 8 në Tiranë, Durrës dhe Elbasan, duke zbardhur vrasje të bujshme që kanë tronditur vendin. Disa prej tyre nisin që nga viti 2011 deri së fundmi, më 29 mars, ditë kur Nuredin Dumani u vu në prangat e Policisë së Shtetit. Në rrëfimet e tij, Dumani ka zbuluar shumat marramendëse që jepnin bossat e krimit në Shqipëri për të hequr qafe personat që i prishin punë, si psh.: Endrit Dokle, Sokol Sanxhaktari dhe Lulzim Masha. Ndërsa për “nivelet” e dyta, shuma maksimale e dhënë është 70 mijë euro.

Në vetën e parë, Nuredin Dumani tregon edhe si ka nisur përplasja me vëllanë e tij të gjakut, Talo Çelën, të cilit për hakmarrje i vrau të vëllanë. Pas 6 muajve hetime dhe me dëshmitë kyçe të dy personave tashmë të vënë në dispozicion të drejtësisë, ka bashkuar 18 dosje penale në një të vetme, në atë të Dumanit dhe Hoxhajt, regjistruar në 14 prill 2022 për vrasje mbetur në tentativë, armëmbajtje pa leje  në formën e grupit të strukturuar kriminal dhe përkrahje e autorit. Nuredin Dumani në dëshminë e tij për SPAK ka rrëfyer detaje për një atentat që do t’i bëhet Sokol Sanxhaktarit, me kërkesë të 4 emrave të njohur të krimit  Vrasja e tij do të bëhej për shkak se ishte i lidhur me Suel Çelën dhe do të paguhet 200 mijë euro, shumën sipas Dumanit do e paguante Florenc Çapja; për “kokën” e Endrit Dokles, Ervis Martinaj ishte i gatshëm të paguante 500 mijë euro, por dha kapar 100 mijë, edhe pse vrasja nuk u bë kurrë; ndërsa për Lulzim Mashën, Suel Çela kishte premtuar 150  mijë euro, por Skedi Tase gaboi dhe dështoi.  

Ndërkohë që mësohet se avokati Alban Brengasi ishte i gatshëm të paguante 120 mijë euro për të vrarë gruan e tij, për të cilën dyshonte se e kishte tradhtuar me shokun e ngushtë, por Dumani nuk kishte pranuar. Ndaj detyra i kaloi Gjergj Cukalit. Dumani është rrëfyer për ekzekutimin e Fatmira Dedës, ngjarje e ndodhur në vitin 2014. Ai ka treguar se vrasja e saj është bërë nga Talo Çela, pasi kërkonte drejtësi për vrasjen e djalit të saj Elvis Deda në vitin 2013.

Nuredin Dumani tregon me detaje se si ka organizuar vrasjet me anëtarët e bandës së tij duke zbuluar edhe mënyrën e komunikimit. Përveç “Sky ECC” është përdorur edhe aplikaconi "Matrix", të cilin e përdornin për të shkëmbyer mesazhe e foto me njëri-tjetrin. Nëse aplikacioni Matrix arrin të konfigurohet në celular, bisedat mes bandave mund të kodohen. Dumani foli, por tani mbetet që Policia të kapë “bossët” e krimit, përveç ushtarëve. Sigurisht nëse i gjen në Shqipëri...

E gjithë dosja e Prokurorisë së Posaçme kundër Korrupsionit dhe Krimit të Organizuar lidhur me operacionin “Plumbi i Artë” me dy të penduarit Nuredin Dumani dhe Henrik Hoxhaj është zbardhur nga Dosja.al. Më shumë se 12 janë ngjarjet kriminale mendohet se janë zbardhur nga dëshmia e Nuredin Dumanit, pas arrestimit. SPAK ka goditur dje 8 grupe kriminale në Tiranë, Durrës dhe Elbasan dhe bëhet fjalë për krimet ndër më të rëndat në këto vitet e fundit, ekzekutime mafioze por edhe urdhra për vrasje.

(k.m/dosja.al)

Sondazh

Poll

MË SHUMË