Aktualitet

'Nuk e kuptoj pse u bë bujë', modelja greke reagon pas denoncimit të taksistit shqiptar

Pas padisë modelja ka folur sot në emisionin “Super Katerina” dhe ka treguar versionin e saj të ngjarjes duke dhënë edhe më shumë detaje.

18 Maj 2022, 13:37 Nga DOSJA
'Nuk e kuptoj pse u bë bujë', modelja greke reagon pas
Stella Samnioti

GREQI- Një 58-vjeçar shqiptar i cili punon si taksist në Greqi ka paditur ditën e djeshme modelen Stella Samnioti e cila postoi një video në Tiktok pa dijeninë e tij ku sipas saj ai e ofendonte dhe tentoi ta dhunonte.

Pas padisë modelja ka folur sot në emisionin “Super Katerina” dhe ka treguar versionin e saj të ngjarjes duke dhënë edhe më shumë detaje.

“Kam thirrur taksinë për një distancë shumë të shkurtër, kam vite që marr taksi çdo ditë. Që në momentin që u nis, sjellja e zotërisë ishte e çuditshme. Ishte pak i beftë, i kërkova të më linte 50 metra para destinacionit përfundimtar dhe në momentin që i thashë, filloi të më bërtiste. Ai më thoshte “kush je ti që të më thuash ndal, aplikacioni më thotë çfarë të bëj”” , ka shpjeguar modelja.

 

Samnioti më pas thotë se versioni i taksistit është i rremë pasi sipas saj ai u inatos kur ajo i tha se do të telefononte policinë, madje ajo u habit se pse ai bëri denoncim dhe kjo ngjarje mori kaq bujë të madhe.

“Zotëria doli jashtë kontrollit, duke bërtitur e sharë. Kur e paralajmërova se do të telefonoja 100, ai doli nga makina. Sapo e pashë dola dhe vrapova. Kjo që thotë është gënjeshtër, nuk arrij ta kuptoj pse ka hapur një proces për të marrë masa ligjore”, tha ajo.

Taksisti, i cili nuk ka asnjë kontakt me rrjetet sociale, shprehet se për videon është njoftuar nga një i afërm, i cili ka njoftuar edhe shefin e tij, i cili jeton përgjithmonë jashtë vendit.

Ngjarja ka ndodhur në muajin prill ku sipas shqiptarit, modelja e kishte rezervuar përmes një aplikacioni dhe kishte kërkuar  ta dërgonte në një vend të caktuar. Por gjatë udhëtimit ajo i kërkoi të ndryshonte destinacionin dhe madje ta priste që ta kthente përsëri në shtëpinë e saj. Kur ai i shpjegoi se diçka e tillë duhej thënë që në fillim kur i bëri kërkesë aplikacionit, ajo u tensionua dhe i bëri një video të cilën e postoi në rrjetet sociale.

(d.a/dosja.al)

Sondazh

Poll

MË SHUMË