Sport

Ambasadori italian në Tiranë 'lë kostumin zyrtar', komenton finalen;Tifozëve të Romës i them...

Fabrizio Bucci, ambasadori italian në Tiranë foli për Retesport pasdite për të treguar sesi qyteti shqiptar po përgatitet për finalen e Conference League

17 Maj 2022, 20:49 Nga DOSJA
Ambasadori italian në Tiranë 'lë kostumin zyrtar',
Fabrizio Bucci

TIRANË- "Mendoj se është shumë e vështirë, UEFA ka dorëzuar një pjesë të biletave te Roma, një pjesë te Feyenoord dhe pjesa tjetër shitet online me një sistem shumë kompleks. Këtu nuk ka bileta, fatkeqësisht stadiumi është i vogël, mendoj se është pothuajse e pamundur të gjejë këtu".

Kështu deklaroi Fabrizio Bucci, ambasadori italian në Tiranë, i cili foli për Retesport pasdite për të treguar sesi qyteti shqiptar po përgatitet për finalen e Conference League që do të shohë Romën si protagoniste më 25 maj. Për organizimin e finales ai shtoi: "Stadiumi dhe në fakt edhe qyteti janë ndarë në dy zona për të pritur tifozët e Romës në jug, ndërsa në veri tifozët e Feyenoord.

Në jug të stadiumit është një park i bukur publik dhe tifozët e Romës do të mblidhen atje, me një zonë tifozësh dhe ekrane gjigante për të ndjekur ndeshjen, veçanërisht për ata që do të vijnë këtu pa biletë.Tifozët holandezë do të vendosen pranë sheshit kryesor të Tiranës, tifozët do të mbërrijnë në stadium nga dy anët e kundërta të qytetit, me korridore të organizuara dhe të shoqëruara nga policia, për të shmangur kontaktin mes dy tifozëve.

Do të ketë një zonë të tretë në sheshin Skënderbe ku do të shfaqen ekranet e mëdha dhe do të jetë një zonë neutrale. Këshilla që mund t'u jap tifozëve të Romës është të shkojnë në zonën e dedikuar për ngjyrat verdhekuq".

E.Ç (Dosja.al)

980055

Sondazh

Poll

MË SHUMË