Sport

Formula 1/ Risia e parë, e konfirmuar për Alonson dhe Ocon në GP të Spanjës

Skuderia franceze Alpine zbulon se do të përdorë një spoiler të pasmë të ri në garat e Barcelonës dhe se ata po vazhdojnë të ulin peshën e makinës së tyre

17 Maj 2022, 17:51 Nga DOSJA
Formula 1/ Risia e parë, e konfirmuar për Alonson dhe Ocon në GP

FRANCE - Alpine F1 zbuloi në Grand Prix-in e mëparshëm të Miamit, se në Barcelonë do të prezantonte disa risi në makinën e saj njëvendëshe, për ta optimizuar atë dhe për t'iu afruar sa më shumë kryesimit.

Menaxheri i ekipit, Otmar Szafnauer, ka qenë më i saktë në detajimin e të parës nga risitë, që shtëpia franceze planifikon të përfshijë në testi spanjol, pasi ai nuk dëshiron të ndalojë zhvillimin e makinës. 

"Ne do të prezantojmë një krah të ri të pasëm në Spanjë. Ai duhet të jetë më efikas se ai i fundit që kemi përdorur që nga shkurti, kështu që duhet të na japë edhe pak më shumë performancë,"- tha ai për Motorsport-Total.

Ndryshe nga sa ndodhi disa javë më parë me dyshemenë e re të makinës, me këtë rast, spoileri do të jetë “për të dyja makinat”, siç sqaroi drejtuesi. Prandaj, do të arrijë si Fernando Alonso ashtu edhe Esteban Ocon .

Përveç spoilerit, Alpine po kërkon një mënyrë për të ulur kilogramët e automjetit të saj, siç ka rrëfyer Alan Permane, shefi teknik. "Ne kemi arritur pak, por ka disa hapa të mirë për të arritur në atë fushë. Ne jemi ende pak lart për sa i përket peshës. Kam dëgjuar se disa makina janë nën, ose konkretisht, në kufirin e peshës. Jemi pak më lart, por jemi përmirësuar vazhdimisht që nga gara e parë dhe po e zvogëlojmë”,- shpjegoi ai.

B.T (Dosja.al)

Sondazh

Poll

MË SHUMË