Bota

Alarm për bombë, Universiteti i Prishtinës rrethohet nga forca të shumta policore

Sipas njoftimit të policisë, lajmërimi është marrë rreht orës 16:00 me anë të një emaili që i është dërguar rektoratit ku thuhej se në ambjentet e universitetit ishte vendosur një bombë.

17 Maj 2022, 18:19 Nga DOSJA
Alarm për bombë, Universiteti i Prishtinës rrethohet nga forca
Policia e Kosovës

KOSOVË- Pas Serbisë edhe në Kosovë është marrë një njoftim për bombë e cila dyshohet se është vendosur në ambjentet e Universitetit të Prishtinës.

Sipas njoftimit të policisë, lajmërimi është marrë rreth orës 16:00 me anë të një emaili që i është dërguar rektoratit ku thuhej se në ambjentet e universitetit ishte vendosur një bombë.

Menjëherë në vendngjarje kanë shkuar forca të shumta policie të cilat kanë rrethuar perimetrin dhe evakuuar ambjentet e brendshme.

“Rreth orës 16:00, është pranuar  informata për dyshimet që ndërlidhen me një shpërthim të mundshëm në Rektoratin e  Universitetit “Hasan Prishtina”  në Prishtinë.  Informacionet e para flasin se kanosja e dyshimtë ka ardhur përmes postës elektronike.  Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”.-thuhet në njoftimin e policisë.

Ky është kërcënimi i parë i raportuar në Kosovë pas dhjetëra emaileve të dërguara në shkollat e mesme dhe në disa institutione në Beograd. Nga hetimet e deritanishme nga policia serbe alarmet kanë rezultuar të rreme por ende nuk dihet se nga kush po dërgohen.

(d.a/dosja.al)

Sondazh

Poll

MË SHUMË