Bota

Rusia tërhiqet nga Këshilli i Shteteve të Detit Baltik: Do dështojë

BBC shkruan se kjo vjen më shumë se dy muaj pasi forumi politik ndërqeveritar, i përbërë nga Danimarka, Estonia, Finlanda, Gjermania, Islanda, Letonia, Lituania, Norvegjia, Polonia, Suedia dhe Rusia, pezulloi Moskën në përgjigje të luftës në Ukrainë.

17 Maj 2022, 17:32 Nga DOSJA
Rusia tërhiqet nga Këshilli i Shteteve të Detit Baltik: Do
Sergei Lavrov

RUSI- Rusia ka njoftuar planet për t'u tërhequr nga Këshilli i Shteteve të Detit Baltik (CBSS). BBC shkruan se kjo vjen më shumë se dy muaj pasi forumi politik ndërqeveritar, i përbërë nga Danimarka, Estonia, Finlanda, Gjermania, Islanda, Letonia, Lituania, Norvegjia, Polonia, Suedia dhe Rusia, pezulloi Moskën në përgjigje të luftës në Ukrainë.

Sergei Lavrov, ministri i jashtëm i Rusisë, këmbënguli sot se Rusia kishte marrë vendimin për t'u larguar nga CBSS në përgjigje të veprimeve armiqësore të grupit, me sa duket duke iu referuar pezullimit dhe sanksioneve të ndryshme të vendosura ndaj Rusisë nga BE .

"Përfundimi i anëtarësimit në CBSS nuk do të ndikojë në praninë e Rusisë në rajon," tha Lavrov, përpara se të paralajmëronte se çdo përpjekje për të dëbuar vendin nga Balltiku është e dënuar me dështim. Ai akuzoi gjithashtu NATO-n dhe anëtarët e BE-së të CBSS se e kanë kthyer këshillin në një instrument të politikës anti-ruse.

(I.A/dosja.al)

Sondazh

Poll

MË SHUMË