Bota

Ish-diplomati amerikan: I lumtur që dikush argumenton mbi anëtarësimin e Kosovës në KiE

Në një postim në Twitter, Serwer shkruan se i vjen mirë që Kosova është antarësuar në Këshillin e Europës.

17 Maj 2022, 13:24 Nga DOSJA
Ish-diplomati amerikan: I lumtur që dikush argumenton mbi
Daniel Serwer

KOSOVË- Profesori dhe ish-diplomati amerikan, Daniel Serwer, ka reaguar pas një publikimi të ESI (European Stability Initiative) me argumente pse Kosova duhet anëtarësuar në Këshillin e Europës.

Në një postim në Twitter, Serwer shkruan se i vjen mirë që Kosova është antarësuar në Këshillin e Europës.

"Më vjen mirë që dikush është duke e ndjekur këtë dhe e kupton më mirë se unë,"-tha ai.

ESI përmes një letre ka argumentuar se pse Kosova duhet të jetë anëtare e Këshillit të Europës pas përjashtimit të Rusisë.

"Për dallim nga Rusia, Kosova ka parë transfere paqësore të pushtetit pas zgjedhjeve të lira. Për dallim nga Rusia, Kosova e pavarur s’ka pasur asnjëherë të burgosur politikë. Për dallim nga Rusia, Kosova asnjëherë s’ka bërë ndonjë luftë. Por, aktivisht është dekurajuar nga anëtarët tjerë kur është në pyetje aplikimi për anëtarësim në KE", ka shkruar në Twitter Kristof Bender bashkautor i letrës.

(j.c)/dosja.al 

Sondazh

Poll