Bota

Nuk humbet kohë, pas dorëheqjes së Castex, Macron zgjedh kryeministren e re të Francës

Politico.eu shkruan se Borne u emërua kryeministrja e re e Francës pas dorëheqjes së Jean Castex.

16 Maj 2022, 19:26 Nga DOSJA
Nuk humbet kohë, pas dorëheqjes së Castex, Macron zgjedh
Elisabeth Borne

FRANCË- Presidenti francez Emmanuel Macron ka zgjedhur Elisabeth Borne për të udhëhequr qeverinë e tij të re, duke i dhënë fund spekulimeve javësh pas zgjedhjeve presidenciale në prill. Politico.eu shkruan se Borne u emërua kryeministrja e re e Francës pas dorëheqjes së Jean Castex.

Borne, emërimi i së cilës shënon herën e dytë që Franca do të drejtohet nga një kryeministre femër, do të jetë përgjegjëse për drejtimin e reformës së diskutueshme të pensioneve të Macron. Thuhet se Macron donte të promovonte një grua dhe tha se dëshironte të emëronte dikë që ishte e fortë në çështjet sociale, mjedisore dhe të prodhimit.

Largimi i Castex ishte planifikuar prej kohësh pas fitores së Macron në zgjedhjet presidenciale të prillit. "Udhëtimi im në politikën kombëtare ka përfunduar," tha ai. Pas emërimit të dy kryeministrave konservatorë gjatë mandatit të tij të parë, Macron ka zgjedhur Borne, një ish-drejtuese e rrjetit të metrosë së Parisit, e cili historikisht ka qenë i afërt me Partinë Socialiste.

Borne, ka shërbyer gjithashtu si ministre e transportit dhe ministre e ekologjisë nën Macron dhe ka ndjekur me sukses reformat në lidhje me trajnimin profesional dhe kompaninë franceze të hekurudhave SNCF.

(I.A/dosja.al)

Sondazh

Poll

MË SHUMË