Bota

1 vit nga vrasja e Caroline/ Babis shpallet fajtor, dënohet me burgim të përjetshëm

Ai u shpall fajtor për vrasje me dashje në një gjendje të qetë shpirtërore, pra pa u njohur për vrullin mendor, abuzimin me kafshët dhe për dy kundravajtjet e tjera me të cilat përballet.

16 Maj 2022, 15:48 Nga DOSJA
1 vit nga vrasja e Caroline/ Babis shpallet fajtor, dënohet me burgim
Babis Anagnostopoulos

GREQI- Babis Anagnostopoulos, piloti 33-vjeçar i akuzuar për vrasjen e gruas së tij Caroline Crouch më 11 maj 2021, u shpall fajtor nga Gjykata e Athinës dhe u dënua me burgim të përjetshëm.

Sipas Protothemës, ai u shpall fajtor për vrasje me dashje në një gjendje të qetë shpirtërore, pra pa u njohur për vrullin mendor, abuzimin me kafshët dhe për dy kundravajtjet e tjera me të cilat përballet.

Megjithatë, vendimi i drejtësisë greke nuk ka arritur të ngjallë reagimin Anagnostopoulos, i cili ka mbetur pa fjalë në atë që tha kryetari i gjykatës. 

Burgim i përjetshëm dhe shtesë 11 vjet e gjashtë muaj, është dënimi përfundimtar i vendosur nga Gjykata e Jurisë së Përzier e Athinës, për Babis Anagnostopoulos, për vrasjen e Caroline, vrasjen e qenit të familjes si dhe dy dënime të tjera për kundërvajtjet që i atribuohen (dëshmia e rreme e vazhdueshme dhe ankesa e rreme). Të akuzuarit gjykata i ka shqiptuar edhe një gjobë prej 21 mijë eurosh. Vendimi është unanim, si dhe nuk u pranua asnjë nga faktorët lehtësues të akuzuarit.

Ngjarja ndodhi majin e vitit të shkuar. Babis Anagnostopulos u arrestua më shumë se një muaj pasi mbyti të shoqen në fillim të muajit maj, pasi u mundua ta fshihte krimin, duke sajuar një grabitje me protagonistë shqiptarë. 38-vjeçari pretendon vrau të shoqen pasi kjo e fundit i kishte kërkuar divorcin. Ndërkohë që me autorin në burg, u përfol edhe për bashkëpunëtorë por nuk u gjet asnjë provë.

(d.a/dosja.al)

Sondazh

Poll

MË SHUMË