Aktualitet

I kërkuar nga drejtësia italiane, përfundon në pranga shqiptari sa zbret nga avioni në Piza

Ndaj tij ishin në pritje dënime të ndryshme për krime, duke përfshirë shoqërimin kriminal, rrëmbimin dhe shfrytëzimin e prostitucionit.

13 Maj 2022, 21:09 Nga DOSJA
I kërkuar nga drejtësia italiane, përfundon në pranga
Karabinieret

ITALI- Një shqiptar është arrestuar ditën e sotme në aeroportin e Pizës, ku sapo kishte zbritur nga avioni. Quinewspisa shkruan se në kontrollin kufitar, 50-vjeçari një person i dënuar me 12.5 vite burg dhe mbi 17 mijë euro gjobë. Ndaj tij ishin në pritje dënime të ndryshme për krime, duke përfshirë shoqërimin kriminal, rrëmbimin dhe shfrytëzimin e prostitucionit.

Sipas njoftimeve nga selia e policisë, burrit do t'i duhet të vuajë edhe 12 vjet e gjysmë burgim, përveç gjobës prej 17 mijë eurosh. 50-vjeçari, i cili nuk kishte shkuar prej disa kohësh në Itali, është ndaluar nga Policia dhe pas hetimeve të zakonshme është shoqëruar në burg.

Gjithashtu në aeroportin e Pizës, ku pas rritjes së fluturimeve, policia kufitare forcoi shërbimet e vëzhgimit dhe sigurisë, në të njëjtën ditë një burrë u raportua se kishte tentuar të kalonte kufirin duke treguar një kartë identiteti ukrainase false. U sekuestrua dokumenti fals dhe u denoncua 43-vjeçari, të cilit iu refuzua të hipte në avion.

(I.A/dosja.al)

Sondazh

Poll

MË SHUMË