Politike

VD-Incident në mitingun e Berishës në Elbasan, ish-kryeministri: Lëre të vijë. Truproja: Është pijshëm!

Sapo Berisha nisi të mbante fjalën e tij, personi, i cili u identifikuar vetë para ish-kryeministrit, ndërhyri në fjalën e këtij të fundit dhe bërtiste nga vendi.

13 Maj 2022, 17:14 Nga DOSJA
VD-Incident në mitingun e Berishës në Elbasan, ish-kryeministri:

ELBASAN- Një person ka shkaktuar një incident në fillim mitigun e ish-kryeministrit Sali Berisha me demokratët në qytetin e Elbasanit, brenda teatrit "Skampa". Sapo Berisha nisi të mbante fjalën e tij, personi, i cili u identifikuar vetë para ish-kryeministrit, ndërhyri në fjalën e këtij të fundit dhe bërtiste nga vendi. Më pas, la vendin ku qëndronte dhe u ngrit në skenë, duke i shkuar pranë Berishës. Pasi kuptoi gjendjen e tij, ish-kryeministri i kërkoi truprojave të tij që ta linin të afrohej derisa të largohej vetë më pas, ndërsa nga biseda me truprojën e tij, la të kuptohet se personi që shkaktoi incident, ishte në gjendje të dehur. 

PJESË NGA BISEDA MES TYRE:

Berisha: Lëre të vijë tani.

I dehuri: Doktor unë jam Besnik Kamberi

Berisha: Dakord. Lëreni se s'ka gjë.

Truproja: Është i pijshëm!

Berisha: Është e qartë ajo. Po lëre se s'ka gjë.

Elezi dhe Berisha janë të vetmit kundërshtarë që garojnë për marrjen e drejtimit të Partisë Demokratike. Zgjedhjet do të zhvillohen më 22 maj, ndërkohë që selia e PD ka që prej 21 marsit që nuk ka drejtues që pas dorëheqjes së Lulzim Bashës.

(k.m/dosja.al)

Sondazh

Poll

MË SHUMË