Bota

Përleshje në funeralin e gazetares së Al Jazeerës, palestinezët përplasen me trupat izraelite

Mijëra palestinezë u mblodhën në Bregun Perëndimor të pushtuar dhe Jerusalemin Lindor për të nderuar gazetaren e vrarë.

13 Maj 2022, 15:59 Nga DOSJA
Përleshje në funeralin e gazetares së Al Jazeerës,
Funerali i Sirin Abu Aklech ne Izrael

IZRAEL- Një ushtar izraelit u plagos pranë qytetit verior të Bregut Perëndimor të Jeninit ndërsa përleshjet shpërthyen gjatë funeralit të gazetares së Al Jazeera të vrarë dy ditë më parë.

Mijëra palestinezë u mblodhën në Bregun Perëndimor të pushtuar dhe Jerusalemin Lindor për të nderuar gazetaren e vrarë. Përplasjet nisën në spitalin San Josef në Jerusalem kur doli arkivoli me trupin e gazetares Sirin Abu Aklech kur policia izraelite shpërndau turmën që mbante flamuj palestinezë.

Pamjet e transmetuara nga televizioni Palestinez tregojnë arkivolin e gazetares së Al Jazeera gati për t'u rrëzuar në tokë ndërsa policia izraelite shpërndan turmën. Gazetarët e Agence France-Presse panë forcat izraelite që sulmuan mjediset e spitalit në Jerusalemin Lindor të pushtuar dhe të aneksuar. 

Hetimi përmend dy mundësi: e para, Abu Aklej u godit nga zjarri masiv nga luftëtarët palestinezë në drejtim të automjeteve ushtarake izraelite dhe e dyta, u qëllua nga një ushtar izraelit që mund ta ketë vrarë aksidentalisht.

Pak ditë më parë korrespondentja e rrjetit televiziv Sirin Abu Akleh u qëllua në kokë në territoret palestineze nga forcat izraelite teksa mbulonte përleshjet në Jenin.

(d.a/dosja.al)

Sondazh

Poll

MË SHUMË