Bota

Djegia e spitalit modular në Tetovë, ngrihet padia për 4 persona

Materialet pritet ti dorëzohen Gjykatës së Tetovës gjatë javës së ardhshme, pas referimit të së njëjtës para prokurorisë republikane, nga ku edhe është marrë mendim pozitiv.

13 Maj 2022, 15:24 Nga DOSJA
Djegia e spitalit modular në Tetovë, ngrihet padia për 4 persona
Tetove

MAQEDONIA E VERIUT- Prokuroria Themelore e Tetovës do të ngrejë një padi kundër tre personave fizik dhe një personi juridik, për djegien të spitalit modular në Tetovë.

Materialet pritet ti dorëzohen Gjykatës së Tetovës gjatë javës së ardhshme, pas referimit të së njëjtës para prokurorisë republikane, nga ku edhe është marrë mendim pozitiv.

“Prokurorët e lëndës, bënë referimin para Prokurorisë Republikane dhe lënda është para përfundimit. Brenda javës së ardhshme, pritet që lënda t`i dorëzohet Gjykatës së Tetovës për procedim të mëtejmë. Pas përfundimit të hetimeve, do të vazhdohet me ngritjen e akuzave kundër tre personave fizik dhe një personi juridik”, janë shprehur nga Prokuroria.

Sipas Alsat, gjatë procedurës parahetimore janë thirrur mbi 30 mjekë dhe infermiere, që kanë qenë të angazhuara në COVID qendrën e Tetovës natën e kobshme kur modulari u përfshi nga flakët, për të dhënë dëshmitë e tyre para prokurorëve të lëndës.

Janë thirrur edhe dëshmitarë okularë, por edhe familjarë që janë ofruar vetë për të dhënë dëshmitë e tyre. Në hetim u kyçën edhe ekspertë gjermanë, raporti i të cilëve mbërriti tre muaj më parë. Në 8 shtator të vitit të kaluar spitali modular i Tetovës, ku po trajtoheshin 26 pacientë, u bë shkrumb. Jetën e humbën 14 persona, prej të cilëve 12 pacientë dhe dy persona që kujdeseshin për familjarët e tyre.

Pas ngjarjes ministri i atëhershëm i Shëndetësisë Filipçe dhe zëvendësi i tij Ilir Hasani dhanë dorëheqje, por të njëjtat nuk u pranuan nga ish kryeministri Zoran Zaev. Dorëheqje dhanë edhe drejtori i përgjithshëm i Spitalit të Tetovës Florin Besimi dhe drejtori ekonomik Artan Etemi.

Sondazh

Poll

MË SHUMË