Sport

Zyrtare: Alfred Schreuder, do të jetë trajneri i ri i Ajax-it…

12 Maj 2022, 15:15 Nga DOSJA

HOLANDE – ‘Tym’ i bardhë në “Johan Cruyff Arena”. Ajax ka zyrtarizuar ardhjen në pankinë të Alfred Schreuder, i cili do të bëhet trajneri i ardhshëm që do të zëvendësojë Erik Ten Hag, i cili nga ana e tij do të marrë frenat e Manchester United.

Schreuder, i cili ishte asistent i Ronald Koeman gjatë kohës së tij te Barcelona, drejtoi skuadrën belge të Bruges deri më sot, por këtë verë ai do të bëjë hapin drejt pankinës së Ajax.

Kjo do të jetë periudha e tij e dytë në klubin holandez, pasi ai ka qenë krahu i djathtë i Ten Hag nga janari 2018 deri në 2019, duke fituar dopio tituj dhe duke arritur deri në gjysmëfinale të Champions League atë sezon.

“Të bëhesh trajner i Ajax-it është një nder dhe një mundësi e madhe që do ta shfrytëzoj me të dyja duart. Unë jam gjithashtu i emocionuar që do të kthehem këtu, sepse më pëlqeu vërtet një vit e gjysmë që punova te Ajax. Dua të fitoj çmime këtu në Amsterdam, me një ekip që luan futboll tërheqës.

Por, së pari, dua ta përfundoj me sukses sezonin me Club Brugge. Dua të them lamtumirë me një titull, që është shumë i rëndësishëm për mua dhe do të bëj gjithçka për ta arritur”,- deklaroi Schreuder pas publikimit të lajmit.

B.T (Dosja.al)

Kryeministri Rama, prej disa ditësh po sulmon SPAK për arrestimet nga radhët e PS dhe kërkoi prangosjen e Berishës dhe Metës. Cilat janë arsyet sipas jush?

View Results

sport sport alfred schreuder do të mungojë te ajax amsterdamit një tjetër fitore për ajax trajnerit të ajaxit alfred schreuder do të mungojë te ajax amsterdamit një tjetër fitore për ajax trajnerit të ajaxit