Aktualitet

Investimi në Butrint/ Shehaj nxjerr DOKUMENTA, Gjiknuri: S’e kam kushëri, shihemi në gjyq

11 Maj 2022, 15:43 Nga DOSJA
Investimi në Butrint/ Shehaj nxjerr DOKUMENTA, Gjiknuri: S’e kam

TIRANË– Shtohen investitorët strategjikë në radhët e socialistëve. Pas ministres së Jashtme Olta Xhaçka dhe bashkëshortit të saj, Artan Gaçi, edhe Damian Gjiknuri po akuzohet për “kafshim” në zonat e mbrojtura të vendit. Sot, në deklaratën etij për mediat, duke përsëritur atë që tha disa ditë më parë, ish-kryeministri Sali Berisha u shpreh se Gjiknuri kishte marrë tokë për investim pranë zonës së Mbrojtur të Butrintit. Pas tij, deputeti i Partisë Demokratike, Agron Shehaj nxorri dokumente duke pretenduar se aksioner i kompanisë “Andi”, është Adriana dhe Andi Gjiknuri, ky i fundit sipas tij është djali i xhaxhait të sekretarit të Përgjithshëm të Partisë Socialiste. Duke publikuar dhe dokumentat, Shehaj pretendon se qeveria shqiptare i kanë dhënë statusin e investitorit strategjik për “Manastir Resort”, kompanisë “Andi”, megjithatë ky nuk është i vetmi problem. Kjo, pasi sipas deputetit, resorti “Manastir Resort” do të ndërtohet pranë parkut arkeologjik të Butrinit, ndaj dhe qeveria kishte vendosur të ndërhynte për të zvogëluar parkun duke i nxjerrë 800 hektarë nga zona e mbrojtur. Pra është ndërhyrë në një pasuri kombëtare për të ndërtuar një resort. Megjithatë të gjitha akuzat janë hedhur poshtë nga vetë Gjiknuri, i cili pretendon se nuk ka asnjë lidhje familjare me Andi Gjiknurin. Në kundërpërgjigje për Shehajn, ai ka premtuar se dosjen do ta çojë në Gjykatë, duke pretenduar për dëmshpërblim.

Kur ka nisur “kafshimi” i Butrinit?

Në dhjetor 2021, Komiteti i Investimeve Strategjike i drejtuar nga kryeministri Rama ka firmosur statusin për projektin “Manastir Resort”, që do të realizohet nga kompania Alb-Star, ndërsa 50% të punimeve të tjera do i realizojë kompania “Andi”. Në pjesë e këtij investimi shtrihej në gjirin e Manastirit, zonë e mbrojtur e Parkut Kombëtar të Butrintit. Pikërisht se punimet do kryeheshin në Butrint, Agjencia Kombëtare e Zonave të Mbrojtura ka bërë me dije se i kishte kërkuar Agjencisë së Zhvillimit të Territorit që në këto parcela mos të ndërtoheshin. Por më 26 janar 2022, qeveria miratoi heqjen e ngastrave nga zona e mbrojtur, duke i hapur përfundimisht rrugë ndërtimit të resortit. Pra mirë që falim pjesë tokë dhe i japim me koncensione për dekada me radhë, por rrezikojmë edhe pasuritë natyrore e kulturore të vendit.

Investimet strategjike (VETËM për socialistët)

Megjithatë kjo nuk është hera e parë që njerëz me lidhje të ngushta me Partinë Socialiste akuzohen se gllabërojnë pasuri të vendit. E para që u bë publike ishte historia e bashkëshortit të ministres Olta Xhaçka dhe e aktorit Gazment Paja. Ky i fundit, anëtar i Këshillit Bashkiak të Tiranës, ka përfituar 133 mijë m2 në Dhërmi; bashkëshorti i ministres për Evropën dhe Punët e Jashtme dhe deputetes së PS-së, Olta Xhacka, ish-deputeti socialist Artan Gaci, ka përfituar të drejtën e përdorimit të brigjeve të detit dhe të zonës përkatëse të plazhit përballë kompleksit që po ndërtohet në fshatin Gjilekë të bashkisë Himarë; parku i Butrintit do të jepet me koncesion për të paktën 30 vite, edhe pse Ministria e Kulturës pretendon se është marrëveshje administrative. Por nuk janë të vetmet raste. Nga investimet strategjike rrezikohen dhe monumente të tjera natyrore si “Faleza e Bardhorit” në Kavajë apo Shpella e Piratëve në Himarë.
Në zonën e Plazhit të Gjeneralit në bashkinë Kavajë, ku ndodhet monumenti natyror “Faleza e Bardhorit” – i përbërë nga shkëmbinj të skulpturuar nga erozioni detar, pritet të ndërtohet resorti “Mediterranean Ëave.” Subjekt aplikues është shoqëria “Shijaku’ në pronësi të biznesmenit të skrapit, Shpëtim Shijaku.

Qeveria shqiptare i jep këtij subjekti 2000 metra katrorë bregdet dhe të drejtën e përdorimit dhe shfrytëzimit të një sipërfaqeje pyll prej 635,000 metra katrorë, duke i vënë kusht që “të zbatojë me korrektësi kushtet e lejes mjedisore, përgjatë vijës ndarëse me kufirin e monumentit” dhe mos të “lejohet asnjë lloj veprimtarie brenda këtij monumenti”. Ndërsa tek “Shpella e Piratëve” në Himarë, ku do të ndërtohet projekti “Banyan Tree Hotel Resort”, parashikuar si resort me disa kate, vila dhe një sipërfaqe zhvillimi prej 16,000 metra katrorë – vendosur mes Drimadhës dhe Palasës. Subjekti aplikues është shoqëria “DAST”, e njohur në fushën e import-eksportit të materialeve të ndërtimit.

ZHVILLIMET ORË PAS ORE: 

‘Djali i xhaxhait investitor strategjik’/ Gjiknuri: S’e kam kushëri, le ta provojë gjykata

Shehaj nxjerr dokumente: Investitori strategjik i radhës, djali i xhaxhait të Gjiknurit

Berisha: Vëllai i Ramës ortak me atë të Gjiknurit në resortin që po ndërton

(k.m/dosja.al)

Kryeministri Rama, prej disa ditësh po sulmon SPAK për arrestimet nga radhët e PS dhe kërkoi prangosjen e Berishës dhe Metës. Cilat janë arsyet sipas jush?

View Results

kryesore politike damian gjiknuri investitor strategjik kusheriri i giknurit investitor strategjik damian gjiknuri investitor strategjik kusheriri i giknurit investitor strategjik

Sondazh

Poll

MË SHUMË