Bota

“Dorëzimi nuk është një opsion”, ushtarët ukrainas thirrje për ndihmë: Nuk kemi shumë kohë

8 Maj 2022, 16:07 Nga DOSJA

“Dorëzimi nuk është një opsion”, ushtarët

UKRAINË– Luftëtarët ukrainas, të cilët janë fortifikuar prej javësh në bodrumet e fabrikës së çelikut Azovstal, xhepi i fundit i rezistencës përballë ushtrisë ruse në portin e Mariupolit, njoftuan sot se përjashtojnë mundësinë e dorëzimit.

“Dorëzimi nuk është një opsion, sepse jeta jonë nuk ka rëndësi për Rusinë pasi ata nuk do të na lënë gjallë. Furnizimet tona janë të kufizuara. Na ka mbetur uji. Na kanë mbetur municion. Ne i kemi armët me vete. Do të luftojmë deri në përfundimin më të mirë të kësaj situate”” tha Ilya Samoilenko, një zyrtar i inteligjencës ukrainase, në një konferencë shtypi.

Ndërkohë zëvendëskomandant i Batalionit Azov, Sviatoslav Palamar tha se ata do të vazhdojnë të luftojnë derisa të jenë gjallë për të sprapsur rusët.

“Nuk kemi shumë kohë, po përballemi me bombardime të rënda”, tha ai, duke i bërë thirrje komunitetit ndërkombëtar që të ndihmojë në evakuimin e ushtarëve të plagosur nga fabrika në Mariupol.

Duhet theksuar se dje civilët e fundit ukrainas që ishin bllokuar në arkadat e saj të mëdha u evakuuan nga fabrika. Më shumë se 300 civilë janë shpëtuar nga uzina e çelikut Azovstal, e cila është goditur nga forcat ruse për javë të tëra.

Në fjalën e tij të shtunën në mbrëmje, Zelensky tha se autoritetet tani po përqendroheshin në “fazën e dytë” të evakuimit, përkatësisht largimin e të plagosurve dhe stafit mjekësor. Ata do të punojnë edhe për hapjen e korridoreve humanitare për të gjithë banorët e Mariupolit dhe vendbanimeve përreth. Presidenti ukrainas tha gjithashtu se Kievi po përpiqej të largonte mbrojtësit e tij nga Azovstal, por theksoi se kjo ishte “jashtëzakonisht e vështirë”.

LAJMI KRYESOR: LUFTA/ Bombardohet shkolla në Lugansk, evakuuime nga fabrika e çelikut (ZHVILLIMET)

(d.a/dosja.al)

Aksidenti i rëndë në Tiranë, si mund të shmangen ngjarje të tilla?

View Results

bota bota ilya samoilenko lufta ukraine-rusi sviatoslav palamar ilya samoilenko lufta ukraine-rusi sviatoslav palamar