Bota

Lufta në Ukrainë, shpërthimet në Kramatorsk plagosën 25 persona

5 Maj 2022, 18:27 Nga DOSJA
Lufta në Ukrainë, shpërthimet në Kramatorsk plagosën

UKRAINË- Të paktën 25 persona janë plagosur në një seri shpërthimesh gjatë natës në qytetin lindor të Ukrainës, Kramatorsk. BBC shkruan se zyrtarët lokalë thanë se gjashtë civilë u plagosën rëndë. Shpërthimet – të paktën disa që besohet të jenë rezultat i sulmeve ajrore – dëmtuan blloqe apartamentesh dhe dyqane në një lagje banimi të qytetit.

Një sulm ajror duket se ka shkatërruar një fabrikë lokale të ujit të nxehtë të rrethuar nga blloqe apartamentesh, duke lënë një krater të madh ndoshta katër metra të thellë dhe dëme të përhapura në dhjetëra shtëpi banimi. Në një deklaratë të shkurtër, administrata ushtarake e rajonit Donestsk tha se nëntë shtëpi dhe një shkollë gjithashtu u dëmtuan ndjeshëm.

Më pak se një muaj më parë, të paktën 50 njerëz u vranë kur një raketë goditi stacionin hekurudhor të qytetit . Presidenti i Ukrainës Volodymyr Zelensky akuzoi Rusinë për një ‘krim monstruoz lufte’ pas sulmit. Brenda orëve nga sulmet e mbrëmshme, punëtorët e këshillit ishin të zënë me pastrimin e rrënojave nga rrugët e Kramatorsk, ndërsa gërmuesit mekanikë hoqën blloqe më të mëdha betoni që ishin copëtuar në një shpërthim.

LAJMI KRYESOR: 71 ditë LUFTË/ Rusia shpall 3 ditë armëpushim, Zelenskyy: Evakuuohen 344 civilë

(I.A/dosja.al)

Aksidenti i rëndë në Tiranë, si mund të shmangen ngjarje të tilla?

View Results

bota bota lufta ukraine-rusi volodymyr zelensky lufta ukraine-rusi volodymyr zelensky

Sondazh

Poll

MË SHUMË