Bota

NATO shpall emërimin e gjeneralit Cavoli si Komandant Suprem i Aleatëve në Evropë

5 Maj 2022, 15:11 Nga DOSJA
NATO shpall emërimin e gjeneralit Cavoli si Komandant Suprem i

SHBA- Këshilli i Atlantikut të Veriut ka miratuar emërimin e gjeneralit Christopher G. Cavoli, Ushtria e Shteteve të Bashkuara, në postin e Komandantit Suprem të Aleatëve për Evropën. NATO vetë e ka bërë të ditur lajmin me anë të një lajmërimi në faqen zyrtare.

Gjenerali Cavoli aktualisht po shërben si komandant i Ushtrisë së Shteteve të Bashkuara për Evropë dhe Afrikë. Pas përfundimit të proceseve kombëtare të konfirmimit, ai do të marrë emërimin e tij si pasardhës i gjeneralit Tod D. Wolters, Forca Ajrore e Shteteve të Bashkuara, në një ceremoni ndryshimi të komandës në Shtabin Suprem të Fuqive Aleate në Evropë në Mons, Belgjikë, që pritet në verë. të vitit 2022.

Emërimin e Cavolit, e ka përshëndetur edhe ambasadorja amerikane në Shqipëri, Yuri Kim. Kim ka uruar zgjedhjen e Caviolit dhe ka shtuar se mezi pret që të punojnë së bashku si aleatë të NATO-s.

“Pikërisht një vit më parë, këta dy gjeneralë ishin në Shqipëri për të nisur “DefenderEurope2021”. Komanda e forcave të NATO-s është vendosur të kalojë nga zotëria në të djathtë te zotëria në të majtë. Faleminderit dhe respekt të thellë për gjeneralin Wolters për shërbimin e tij të shquar ndaj SHBA dhe NATO. Urimet më të mira për gjeneral Cavolin teksa merr një nga punët më të vështira në një moment sfide të rëndësishme për mbrojtjen dhe sigurinë tonë kolektive. Mezi presim të punojmë së bashku për të forcuar më tej bashkëpunimin si aleatë të NATO-s”, tha Kim.

(I.A/dosja.al)

Aksidenti i rëndë në Tiranë, si mund të shmangen ngjarje të tilla?

View Results

bota bota christopher g. cavoli nato yuri kim christopher g. cavoli nato yuri kim

Sondazh

Poll

MË SHUMË