Bota

Pas takimit Kurti-Vuçiç, Ischinger: Normalizimi i marrëdhënieve Kosovë-Serbi është i vonuar

5 Maj 2022, 10:35 Nga DOSJA

Pas takimit Kurti-Vuçiç, Ischinger: Normalizimi i

GJERMANI-Ish-diplomati gjerman, Wolfgang Ischinger, i cili ka qenë edhe ndërmjetës në bisedimet Kosovë -Serbi në vitin 2007, pas takimit mes Kurtit dhe Vuçiçit në Gjermani ka thënë se normalizimi i raporteve është i vonuar.

Në një postim në Twitter ai theksoi se emisari i BE-së Miroslav Lajçak duhet të japi më shumë mbështetje në vijimin e dialogut si dhe falenderoi se Bundestagun për ringjalljen e përpjekjeve për normalizimin e raporteve Prishtinë-Beograd.

“Faleminderit @Bundeskanzler për ringjalljen e përpjekjeve për të kapërcyer ndarjen midis Beogradit dhe Prishtinës. Kanë kaluar 14 vjet nga shpallja e Pavarësisë së Kosovës dhe normalizimi i marrëdhënieve dypalëshe është i vonuar! Miroslav Lajçak ka nevojë për mbështetje urgjente! @albinkurti”, shkruan Ischinger.

Kryeministri i Kosovës, Albin Kurti dhe presidenti i Serbisë, Aleksandër Vuçiç, u takuan të mërkurën në mbrëmje në një darkë joformale në Berlin, për herë të parë që nga korriku i vitit të kaluar. Darka pasoi takimet e ndara të të dy udhëheqësve me kancelarin gjerman Olaf Scholz, në të cilat u diskutua, siç thuhet, bashkërendimi i reagimeve të mëtejshme ndaj agresionit të Rusisë në Ukrainë si dhe bashkëpunimin rajonal. Kancelari Scholz kishte ftuar në Berlin të dërguarin e BE-së për bisedimet Kosovë – Serbi, Miroslav Lajçak. Takimit i ishte bashkuar edhe i dërguari i Gjermanisë për Ballkanin Perëndimor, Manuel Sarrazin.

(d.a/dosja.al)

Aksidenti i rëndë në Tiranë, si mund të shmangen ngjarje të tilla?

View Results

rajoni rajoni kurti dhe vuçiç ne gjermani wolfgang ischinger kurti dhe vuçiç ne gjermani wolfgang ischinger