Aktualitet

Horrori në Korçë, PIKËPYETJET që ngre fetusi në valixhe, roli i burrit e familjarëve

2 Maj 2022, 14:29 Nga DOSJA
Horrori në Korçë, PIKËPYETJET që ngre fetusi në

KORÇË– Ngjarja e zbuluar në Korçë përveçse sjell një skenar të filmave horror, ngre edhe shumë pikëpyetje për përfshirjen e personave të tjerë që me veprimet e mosveprimet e tyre bënë që t zbulohej një muaj më vonë një fetus i vdekur në një valixhe në dollap. Një telefonatë e Klodi Hasimllarit, bashkëshortit të 40-vjeçares alarmoi policinë kur kërkoi që t’i shkonin efektivët në shtëpi pasi e shoqja kishte mbytur fëmijën e saj dhe e kishte futur në një valixhe duke e mbajtur për një muaj në dollap.

Bashkëshorti i kthyer prej një muaji nga Greqia tregoi se vetëm sot ka mundur të gjejë valixhen dhe ka njoftuar policinë. Ai shumicën e kohës jetonte në vendin fqinj dhe e shoqja rrinte në shtëpi me fëmijën e tyre që ishte autik e vetëm 15 vjeç. Për herë të fundit ishte larguar para 5 muajsh dhe një muaj më parë ishte kthyer. Gruaja ndodhet në maternitetin e qytetit dhe mjekja neuro-psikiatre tha se 40-vjeçarja prej 1 viti ishte diagnostikuar me depersonalizim, por nuk është mjekuar.

“Sipas familjarëve ishte prej 3 vitesh e sëmurë me probleme të shëndetit mendor dhe para një viti ka qenë e kartelizuar. Ka bërë një injeksion në muajin gusht, por terapinë orale të dhënë nga mjeku nuk e ka marrë rregullisht. Është e sëmurë, e pamjekuar, jashtë realitetit. Ajo e quan veten një person tjetër dhe se fëmija është lindur nga një person tjetër që nuk është ajo. Ajo është jashtë realitetit, e papërgjegjshme. Në këtë rast duhet shtrim i detyruar në spital dhe shtrim afatgjatë,”– thotë mjekja.

Edhe deklaratat e të afërmve bien në kontradikta….

Nëna e 40-vjeçares thotë se nuk e dinte që e bija ishte shtatzënë, diçka krejt e pabesueshme kjo, kur jetojnë në të njëjtën zonë.

“Ishte ishte e sëmurë, unë e shtrova në spital. Nuk dija gjë për shtatzëninë, ishte me burrin. Ishte në Greqi ai dhe erdhi,”- thotë e ëma.

E sidomos nëse shtojmë dhe faktin që familjarët e tjerë kanë rrëfyer për gazetarët jashtë kamerave se gruaja nuk dilte shpesh nga shtëpia, por për herë të fundit që e kishin parë në dhjetor, e kishte barkun e rritur dhe dukej që ishte në pritje të një fëmije.

Por edhe Hasimllari, bashkëshorti i 40-vjeçares nuk është shumë i qartë në dëshminë e tij teksa flet për gazetarët, duke hapur vetëm pakëz derën e jashtme të shtëopisë, ai hedh dyshime se fëmija mund edhe të mos jetë i tiji.

“Ndenja 5 muaj në Greqi, kam 1 muaj që jam kthyer. Dyshimet janë që ka abortuar para një muaji, pak para se të vija unë. Jetonte vetëm me djalin. Nuk e di, mbase dhe s’është i imi,”- tregon ai.

Por çfarë ka ndodhur në të vërtetë në Korçë? Si fillim mjekët duhet të sqarojnë nëse 40-vjeçarja ka lindur apo ka abortuar? I kujt ishte fëmija? A ka vuajtur gruaja në fjalë nga ndonjë abuzim seksual? Mos vallë fëmija është produkt i një përdhunimi? A ka gisht bashkëshorti i 40-vjeçares në këtë ngjarje? Si ka jetuar një muaj në banesë dhe nuk e ka vënë re valixhen me fetusin e vdekur në dollap?

Shumë pyetje, pa përgjigje….

(F.m/dosja.al)

Aksidenti i rëndë në Tiranë, si mund të shmangen ngjarje të tilla?

View Results

aktualitet aktualitet klodi hasimllari nena vret foshnjen ne korce klodi hasimllari nena vret foshnjen ne korce

Sondazh

Poll

MË SHUMË