Aktualitet

Fiter Bajrami/ Kreu i KMSH-së: Lusim Zotin ta begatojë me paqe dhe stabilitet vendin tonë

1 Maj 2022, 11:40 Nga DOSJA
Fiter Bajrami/ Kreu i KMSH-së: Lusim Zotin ta begatojë me paqe dhe

TIRANË– Komuniteti Mysliman i Shqipërisë ka njoftuar të gjithë besimtarët se Fitër Bajrami do të falet ditën e hënë, në orën 06:20 në ‘Sheshin Skënderbej’. Pas një muaji agjërim besimtarët myslimanë do të festohet Bajrami i Madh. Kreu i Kominiteti Mysliman Bujar Spahiu ka drejtuar një urim për të gjithë këta besimtarë, ndërsa përcolli mesazhin e paqes dhe stabilitetit për vendin tonë.

Mesazhi i plotë:

Të dashur motra dhe vëllezër! Maratona jonë shpirtërore dhe fizike e këtij muaji, agjërimi, mbërriti në fund. Për një muaj kemi ndarë me njëri-tjetrin sofrat në iftar e në syfyr, jemi lutur për vetet tona, por edhe për njëri-tjetrin. Zoti i gjithësisë na e pastë pranuar agjërimin, lutjet dhe të gjitha adhurimet gjatë këtij muaji të bekuar Ramazani të cilin po e përcjellim sot. Nesër kemi festë, kemi Fitër Bajram! Bajrami nuk është festa e heqjes së kufizimit për të ngrënë e për të pirë. Bajrami është festë e përmbylljes me sukses, me lejen e Zotit, të një rrugëtimi të përsosjes shpirtërore. Bajrami është lumturia që ne ndiejmë me plotësimin e agjërimit të Ramazanit si dhe falenderimi ndaj Zotit për mirësitë e Tij mbi ne dhe që na përudhi të agjërojmë. I Lartmadhëruari ka thënë: ‘Ai dëshiron që të plotësoni numrin e ditëve të agjërimit dhe që ta madhëroni Allahun, për shkak se ju ka drejtuar në rrugë të drejtë e që ta falënderoni Atë.’ (El-Bekare). Profeti Muhamed (a.s.) ka thënë: ‘Kush agjëron Ramazanin me besim dhe duke qenë i bindur në shpërblimin e Zotit, atij i falen të gjitha gabimet e kaluara.’ E lusim Zotin të na ketë falur të gjitha mëkatet, ashtu siç Ai na ka premtuar. E lusim Zotin t’u ketë pranuar nijetin të gjithë atyre që nuk mundën të agjërojnë këtë muaj për shkaqe shëndëtesore. E lusim Zotin ta begatojë me paqe dhe stabilitet vendin tonë. Të furnizojë popullin tonë dhe gjithë botën mbarë në këto kohëra vështirësish të mëdha.

E lusim Zotin për paqe anë e kënd botës, konfliktet e hapura të mbyllen sa më parë dhe popujt të jetojnë në paqe e mos të vuajnë pasojat e luftërave. Ju uroj përzemërsisht, agjëruesve në veçanti dhe mbarë shqiptarëve, brenda dhe jashtë Shqipërisë, Gëzuar Fitër Bajramin!

Programi i KMSH për Bajramin e Madh

Komuniteti Mysliman i Shqipërisë njofton të gjithë besimtarët se Fitër Bajrami do të falet ditën e hënë, më 02 maj 2022

Programi i plotë i Fitër Bajramit:

05:50-Hapja

05:55-Lexim Kurani nga Besmir Krruta

06:00-Fjala përshëndetëse e kryetarit të KMSh-së, h. Bujar Spahiu

06:10-Ligjëratë nga nënkryetari i KMSh-së, z. Taulant Bica

06:20-Falja e Namazit të Bajramit, prin kryetari i KMSh-së, z. Spahiu

06:25-Hutbeja e Bajramit nga Myftiu i Tiranës, z. Lauren Luli

(a.b)/dosja.al

Aksidenti i rëndë në Tiranë, si mund të shmangen ngjarje të tilla?

View Results

aktualitet aktualitet bujar spahiu bujar spahiu

Sondazh

Poll

MË SHUMË