Aktualitet

Zyrtarja e Lartë e DASH në Tiranë, takon Ramën e Alibeajn, anashkalon Metën

28 Prill 2022, 07:53 Nga DOSJA
Zyrtarja e Lartë e DASH në Tiranë, takon Ramën e Alibeajn,

TIRANË– Zyrtarja e lartë e Departamentit Amerikan të Shtetit (DASH), Karen Donfried, ndihmës Sekretare për Byronë e Çështjeve Evropiane dhe Euroaziatike, do të vizitojë Shqipërinë sot, në kuadër të një turi që do të zhvillojë në Ballkanin Perëndimor, nga data 25 deri më 29 prill. Përgjatë gjithë ditës së sotme, Donfried e shoqëruar nga i dërguari i Shteteve të Bashkuara për Ballkanin Perëndimor, Gabriel Escobar, do të takojë figura të larta të vendit, duke nisur nga kryeministri Edi Rama për të vijuar tek kreu i grupit parlamentar të PD-së, Enkelejd Alibeaj. Por në axhendën e ditës mungon një personazh; kreu i shtetit, Ilir Meta. Ky i fundit nuk është i përfshirë në axhendën e zyrtares së lartë amerikane në Shqipëri. E kjo nuk është hera e parë.

Edhe më 9 dhjetor të vitit që lamë pas, Escobar, i cili mban edhe postin e zëvendësndihmës sekretar i Shtetit i SHBA për Çështjet Europiane dhe Euroaziatike, e la Metën jashtë axhendës së tij të takimeve. Edhe pse Meta ndodhej në Shqipëri, sërish u duk se Escobar nuk kishte kohë për të. Ndërsa e njëjta gjë po përsëritet por nuk dihet përse amerikanët e anashkalojnë Metën.

Ndoshta presidenti Ilir Meta i ka “ndihmuar” duke lënë mënjanë “qetësinë dhe dashurinë” me SHBA para zgjedhjeve parlamentare të 25 prillit kur bëri një deklaratë të fortë.

Presidenti Meta, e ndaloi intervistën live, në Syri televizion, duke iu përgjigjur një SMS-je të ambasadores Yuri Kim. I pari i shtetit nuk e lexoi përmbajtjen e mesazhit por ajo që tha ishte më e fortë: Tani live sapo me shkruajti Ambasadorja Yuri Kim per te mos permendur me cfurqet. I them Ambasadores amerikane live qe te mos marre me ne mbrojtje Edi Ramen. Meqe me dergoi live sms i them Ambasadores Amerikane mos e mbeshtet me Edi Ramen.  Meqe jam transparent po ju them edhe nje fakt qe Ambasadorja Amerikane më ka kërkuar mua si President, një ditë para mbledhjes së KED-së të pranoj unë Adrian Dvorani. Këtë ajo e kërkoi jo në emër të Amerikës, po në emër të Edi Ramës. E perqafoj ambasadoren amerikane dhe i them boll nderhyre ne punet e brendshme te Shqiperise ne kete menyre te njeanshme. Deklarata e Yuri Kim eshte nje turp dhe e ftoj Ambasadoren te vije tani live ne studio bashke me Edi Ramen te ballafaqohemi para shqiptareve. Më 25 prill votojnë dëshmorët.

Nëse ajo dëshiron të dalë në podium të bëjë fushatë me Ramën le të dalë ne do të mbrojmë zgjedhjet. I kam thënë Donald Lu, jo ti por Sekretari i Mbrojtjes që ka raketat bërthamore, edhe për atë nuk dua t’ja di nëse mendoj se kam të drejtë. Çfarë ka Amerika dhe BE për mua ti nxjerrin. Më keni parë mua të ndërhyj në punët e Amerikës? Jo, as ata të mos ndërhyjnë. Amerikën e duam për zgjedhjet e lira. Po të jetë se kemi frikë nga Amerika se ka aeroplanmbajtëse dhe raketa, ka edhe Rusia, duhet të kemi frikë edhe nga Rusia, ka edhe ky, koreano-veriori, edhe ai ka, por ne e duam për demokracinë.

Janë 100 ambasada të mbajnë vendin e tyre. Nëse SHBA kanë një problem me mua siç thotë ky qen bir qeni çuni i Kristaq Ramës, SHBA nëse kanë gjë me mua, se ky nxjerr spiunët e UDB-së, Ffrrok Çupin me shokë. Ilir Meta e di që nuk është i pavdekshëm, nuk jam nga ata që mendojnë se jam i pavdekshëm, se kur ka vdekur dhe Skënderbeu, jo më Ilir Meta. I kam thënë që nëse keni gjë me mua më lajmëroni nëse e keni se unë e di që ju më vrisni nëse doni. Por të paktën, më çoni te Mali me Gropa dhe më lëshoni një raketë që të mos dëmtoni njerëzit e tjerë. Takimin e parë ia kam thënë zonjës, moj zonjë, je këtu për marrëdhëniet mes Shqipërisë dhe Amerikës dhe jo mes Serbisë dhe Amerikës.

Përgjigjia nuk i vonoi shumë nga ambasadorja amerikane, e cila shkruante në Twitter:  Është e papranueshme për këdo që të kërcënojë se qytetarët do të marrin “sfurqet” në 25 Prill ose nëse nuk u pëlqen rezultati i zgjedhjeve. Këto kërcënime meritojnë dënim. Ata që nxisin dhunë do të mbajnë përgjegjësi për rezultatet e fjalëve dhe veprimeve të tyre. Ndal!

Megjithatë për të gjithë përplasjet politike, Gjykata Kushtetuese vendosi se nuk ishin të forta mjaftueshem për të shkarkuar presidentin nga detyra. E mesa duket të huajit kanë zgjedhur mënyrën e tyre që të mos takohen me kreun e shtetit. Me të gjithë e gjejnë kohën. Por për të, jo!

(k.m/dosja.al)

Aksidenti i rëndë në Tiranë, si mund të shmangen ngjarje të tilla?

View Results

kryesore kryesore karen donfried karen donfried ne shqiperi karen donfried karen donfried ne shqiperi

Sondazh

Poll

MË SHUMË