Aktualitet

Ekstremisti rus fshihet në Shqipëri, u dëbua nga Rusia dhe kërcënoi sulme në Mal të Zi

19 Prill 2022, 12:20 Nga DOSJA
Ekstremisti rus fshihet në Shqipëri, u dëbua nga Rusia dhe

TIRANË- Ekstremisti rus, Vladislav Poznajkov i cili është shpallur në kërkim nga autoritetet e Malit të Zi dyshohet se ndodhet në Shqipëri ku ka hyrë me një autmjet me targa ruse.

Poznajkov me anë të një letre të dërguar autoriteteve malazeze, kërcënonte se do të shpërthente një qendër tregtare në Budva nëse mediat vendase nuk raportonin operacionin ushtarak të Rusisë në Ukrainë.

Aktivist për të drejtat e njeriut dhe koordinator organizativ i Iniciativës Qytetare “21” Aleksandar Sasha Zekoviq ka dhënë dje deklaratë në Prokurorinë Themelore në Podgoricë për rastin “Pozdnjakov”, i cili është formuar pasi ky ekstremist i ka dërguar mesazhe brutale kërcënuese më 30 mars.

” E njoftova prokurorin se e mora seriozisht dhe të sigurt kërcënimin e Pozdnjakut, sidomos duke pasur parasysh faktin e padiskutueshëm se ai ka edhe përkrahës të shumtë në Mal të Zi që mund të më dëmtojnë. Është e rëndësishme të kontrollohet dhe të hiqet çdo dyshim”, ka thënë Zekoviq për Pobjeda pas vizitës në Prokurori.

Ai shton se policia ka njoftuar prokurorin se Pozdnjakov është larguar nga Mali i Zi më 4 shkurt, përmes pikës kufitare me Shqipërinë me një makinë me targa ruse por që ende nuk dihet vendodhja e tij e saktë.

Sipas tij, prokurori është interesuar për punën e organizatës “Shteti i Burrave”, i cili i ka treguar informacionet që kishte dhe i ka treguar se si shoqata i trajton grupet e margjinalizuara shoqërore.

Pavarësisht se Pozdnyakov u shpall ekstremist në Rusi dhe organizata e tij u ndalua atje, publiku mësoi për të kur lista kroate ‘Jutarnji’ njoftoi më 14 mars se ky ekstremist nga Podgorica mbështeti agresionin e Vladimir Putin kundër Ukrainës në rrjetet sociale.

Të nesërmen, Zekovic dorëzoi një kallëzim në polici me kërkesë për të hetuar aktivitetet e Pozdnjakut në Mal të Zi, dhe Prokuroria u përgjigj më 21 mars se nuk kishte elementë për ndjekje penale.

Më 1 prill, emailet kërcënuese të grupit të Pozdnjakut “Shteti i Burrave” mbërritën në adresat elektronike të disa institucioneve nga Qeveria në Ministrinë e Brendshme, duke thënë se do të “hedhnin në erë të gjitha shkollat” nëse kërkesat nuk plotësohen.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet aleksandar sasha zekoviq vladislav poznajkov aleksandar sasha zekoviq vladislav poznajkov

Sondazh

Poll

Aktualitet 19 Prill 2022, 11:35

Makinat përplasen “kokë më kokë” në Sauk

TIRANË- Dy makina janë përplasur në afërsi të TEG-ut në orën 13:05. Dy personat e përplasur janë identifikuar me inicialet A.T., dhe M.S. I aksidentuari me...

MË SHUMË