Bota

Ish-komandati norvegjez: Shqiptarët tentuan të djegin ushtarët suedezë në Çagllavicë

14 Prill 2022, 11:43 Nga DOSJA

Ish-komandati norvegjez: Shqiptarët tentuan të djegin ushtarët

SERBI- Historiani dhe ish-komandat i Forcave të Armatosura të Norvegjisë, Knut Flovik Toresen tha se serbët në Kosovë jetojnë në një situatë që nuk është e denjë për Evropën e vitit 2022.

Në një intervistë për Kosovo Online, Toresen tha se nuk e di nëse ajo që ndodhi në mars të vitit 2004 do të ndodhë përsëri, por se shpreson dhe lutet që situata e tensionuar ndërkombëtare që po ndodh tani në Evropë të mos përhapet në Ballkan.

Ai ka kujtuar se si masa e grumbulluar tentoi të digjte ushtarët suedezë, kështu që u shpëtuan nga kolegët nga Norvegjia, një shqiptar me kamion blu, i cili tentoi t’i përmbysë bashkëluftëtarët e tij dhe u vra, por dogji edhe shtëpi serbe, plaçkiti fshatrat ku u vranë të gjitha kafshët.

“Fillimisht dërguam një nga kompanitë tona në Graçanicë, por në fund zbuluam se ishte më mirë të mblidhnim forcat në Çagllavicë dhe të ndalonim turmën atje. Jam shumë i sigurt se qëllimi ishte sulmi dhe shkatërrimi i manastirit në Graçanicë. Të gjithë në Kosovë, edhe shqiptarët e dinë se sa i rëndësishëm është Manastiri i Shenjtë i Graçanicës për të gjithë Ortodoksët, është pjesë e identitetit dhe historisë serbe, e pamë që qëllimisht kanë shkuar nëpër kisha dhe manastire nëpër vende të tjera të Kosovës për t’i shkatërruar në Prizren.”– kujton Torensen.

Ai u shpreh se është rikthyer në Graçanicë së bashku me disa njerëz të tjerë, pasi po bëjnë një film për të burgosurit serbë në Norvegji gjatë Luftës së Dytë Botërore ku dhe vizitoi manastirin pas 18 vitesh.

Toresen ndan dhe një kujtim që i ka lënë trauma të rënda pasi në 19 mars ai me disa kolegë po kalonin me makinë nëpër fshatrat e braktisura serbe dhe në një kamp të KFOR-it disa serbë i kërkuan mbrojtje.

“Më kujtohet veçanërisht një djalë serb, ndoshta katër vjeç, me një fashë të madhe në kokë, një djalë që mbante nënën e tij, nuk i harroj kurrë sytë e frikësuar të atij djalë i traumatizuar dhe ndonjëherë e mendoj, sidomos pasi u bëra vetë baba.”përfundoi Toresen.

Toresen shërbeu, ndër të tjera, si oficer në ushtrinë norvegjeze në Afganistan, Libi, Bosnje Hercegovinë dhe në mars të vitit 2004, kur filloi pogromi serb, u vendos në Kosovë. Në atë kohë në Kosovë kishte rreth 38 mijë pjesëtarë të KFOR-it, ndërsa tani kanë mbetur rreth 3700 dhe Toresen me njësinë e tij ishin të vendosur afër Graçanicës.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni knut flovik toresen knut flovik toresen