Bota

‘Rusia dëshiron konflikte në Ballkan’,kryeministri maqedonas: Pengojnë integrimin e rajonit

14 Prill 2022, 11:11 Nga DOSJA
‘Rusia dëshiron konflikte në Ballkan’,kryeministri

MAQEDONIA E VERIUT– Ballkani Perëndimor ka qenë gjithmonë me interes për Rusinë, tha kryeministri i Maqedonisë së Veriut Dimitar Kovaçevski në një intervistë për gazetën austriake “Die Presse”, duke shtuar se ndikimi i Moskës në mediat e Shkupit dhe në disa parti politike gjithmonë prezente.

“Rusia është e interesuar të mbajë konfliktet në Ballkan, të cilat po i pengojnë vendet të hapin rrugën për integrimin euroatlantik. Ne kemi probleme të ngjashme në Maqedoninë e Veriut,” tha ai.

I pyetur për dezinformatat në Maqedoninë e Veriut dhe se nga vjen ai, Kovaçevski theksoi se vjen nga vende të treta që nuk duan që vendi të përparojë dhe të zhvillohet.

“Kjo është e financuar qartë nga Rusia. Kjo është arsyeja pse anëtarësimi në BE është qëllimi ynë strategjik. Ai ofron liri të të menduarit kritik, drejtësi sociale dhe prosperitet ekonomik. Kjo është ajo që duan njerëzit e Maqedonisë së Veriut dhe të rajonit.”-shtoi ai.

Duke komentuar anëtarësimin e vendit të tij në NATO, Kovaçevski theksoi se aleanca euroatlantike është e një rëndësie të madhe për çdo anëtar pasi siguria e vendit garantohet nga të gjithë anëtarët e NATO-s.

“Kjo ka shumë pasoja pozitive për shoqërinë tonë si dhe për ekonominë tonë, sepse investitorët e huaj, veçanërisht ata në sektorin e infrastrukturës, e dinë se janë në një vend të sigurt, të mbrojtur nga NATO.”-përfundoi ai.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

rajoni rajoni dimitar kovaçevski integrimi i ballkanit perendimor dimitar kovaçevski integrimi i ballkanit perendimor

Sondazh

Poll

MË SHUMË