Aktualitet

“Destinacion pa rrezik Covid-19”, CNN promovon Shqipërinë për sezonin turistik të 2022

12 Prill 2022, 12:03 Nga DOSJA
“Destinacion pa rrezik Covid-19”, CNN promovon Shqipërinë

TIRANË- Shqipëria është një nga gjashtë destinacionet që CNN sugjeron për turistët për sezonin veror 2022 duke qenë se vendi ynë konsiderohet si vend me rezzik të ulët nga pandemia e Covid.

Sipas CNN, për të tretën javë radhazi, qendrat e SHBA-së për Kontrollin dhe Parandalimin e Sëmundjeve e ka vendosur Shqipërinë dhe Kosovën si vende të cilat kanë një risk të ulët për infektimet me Covid-19.

“Njerëzit që duan të bëjnë një udhëtim në Evropë, por duan të shmangin destinacionet me rrezikun më të lartë, kanë vetëm disa zgjedhje këtu: Shqipëria, Bosnja dhe Hercegovina dhe Kosova, të gjitha në Gadishullin Ballkanik ose Armenia, në rajonin malor të Kaukazit.“-shkruan CNN.

Pjesa më e madhe e Evropës, përfshirë vendet me turizëm më të lartë si Italia, SPanja dhe Franca mbeten në Nivelin 4 të cilat SHBA-ja i konsideron si vende ende të rrezikshme për t’u vizituar. Mbretëria e Bashkuar, gjithashut është në nivelin 4 që nga 19 korriku 2021. Kjo i vendos Anglinë, Skocinë, Uellsin dhe Irlandën e Veriut të gjitha në kategorinë e rrezikut “Shumë të lartë” për Covid-19.

CDC cakton një destinacion një rrezik të Nivelit 4 kur më shumë se 500 raste për 100,000 banorë janë regjistruar në 28 ditët e fundit.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet turizmi shqiptar turizmi shqiptar

Sondazh

Poll

MË SHUMË