Aktualitet

Ortaku i Gaz Pajës! Mehmetaj betonizoi Parkun e mori tokat e Bashkisë në Rrugën e Kavajës  

27 Mars 2022, 13:54 Nga DOSJA
Ortaku i Gaz Pajës! Mehmetaj betonizoi Parkun e mori tokat e Bashkisë

TIRANË– Aktori i humorit Gazmend Paja është shpallur investitor strategjik dhe po ndërton një kompleks luksoz që përbëhet nga një hotel me 5 yje e vila, por nuk është futur i vetëm në lojë. Ortak ka kompaninë “Startek” është në pronësi të Lulzim Mehmetaj, emër ky që është lakuar në media për projektet e shumta që ka marrë nga kryetari i Bashkisë Tiranë, Erion Veliaj.

Kompania “Startek” është themeluar në vitin 2012 dhe ka ndërtuar edhe këndin e lojërave në Parkun e Liqenit, projekt i Bashkisë Tiranë, i cili ngjalli protesta nga qytetarët. Projekti që kushtoi 65 milion lekë u bë brenda gjashtë muajve dhe betonizoi rreth 4000 m2 sipërfaqe në Parkun e Liqenit. Gjithçka u realizua në vitin 2016 dhe pavarësisht kundërshtimit të organizatave mjedisore, projekti mori jetë. Njëmbëdhjetë organizata mjedisore të Tiranës tentuan t’i dërgojnë një letër Bashkisë Tiranë, lidhur me çështjen e ndërtimit të këndit të lojrave tek Parku i Liqenit Artificial, por Bashkia nuk pranoi ta protokollonte, për shkaqe teknike, ndaj organizatat e publikuan në media.

Kërkesat e tyre ishin:

Bashkia të pezullojë punimet në Parkun e Liqenit dhe të nisë procedurat e duhura dhe trasparente për këtë projekt;

Bashkia të kërkojë falje publike për arrogancën dhe fyerjet ndaj qytetarëve;

Bashkia të bëjë publik planin zhvillimor për zonën e Parkut të Madh të Tiranës;

Bashkia të përmirësojë kanalet, infrastrukturën dhe frymën e komunikimit me qytetarët, duke i përfshirë ata realisht në vendimmarrjen mjedisore.

Por, projektet e kësaj kompanie nuk mbarojnë këtu. Në vitin 2020, Bashkia Tiranë i dha 1363,5 metër katror tokë publike në Rrugën e Kavajës kompanisë private ‘Startek’ për të ndërtuar një godinë banimi dhe shërbimesh. Në shkëmbim, Bashkia Tiranë do të përfitonte vetëm 40 për qind të sipërfaqes së ndërtesës. Kjo ide i ishte propozuar Bashkisë Tiranë nga kompania e Mehmetajt që në vitin 2018. Në mbledhjen e Këshillit Bashkiak u miratua dhe vendimi “Për përcaktimin e procedurës dhe negocimin me zhvilluesit privatë që shprehin interesin që të bashkëpunojnë me Bashkinë e Tiranës, nëpërmjet marrëveshjeje të sipërmarrjes/shkëmbimit për pronat në pronësi të saj”, që lejonte Bashkinë Tiranë t’i falë kompanive private pronat publike në këmbim të disa ambienteve apo shërbimeve ndaj bashkisë duke u hapur rrugën tjetërsimit të pronave publike në favor të ndërtuesve.

E së fundmi ‘Startek’ është rishfaqur në Dhërmi. Në bashkëpunim me kompaninë e aktorit të humorit Gazmend Paja ‘Ecotech Energy Services’, ndërtuesi Mehmetaj do të investojë në Dhërmi 13.8 milionë euro. Ata kanë përfituar 133 mijë metra katrorë tokë për të ndërtuar “Dhërmi Restort” një kompleks luksoz që ka fokusin turizmin elitar. Në këtë hapësirë do ndërtohen vila dhe një hotel me 5 yje. Hoteli do të ndërtohet në një sipërfaqe prej 25 mijë metra katrorë. Pjesa tjetër prej 108 mijë metrash do përdorët për të ndërtuar vilat të cilat do të shiten nga kompanitë dhe nuk sjellin asnjë zhvillim publik për turizmin. Vetë Paja deklaroi se nuk kishte përfituar asnjë centimetër katror nga shteti, gënjeshtër që ia zbulonte vetë projekti ku thuhej se do të ndërtohej në tokë publike e private. Një tjetër shkelje që u zbulua ishte dhënia e statusit ‘investitor strategjik’ për të fituata këtë status duhet të ketë dakortësi nga të gjithë pronarët e tokave ku do të ndërtohet, gjë që nuk është arritur ende. Ishte vetë aktori i humorit që deklaronte se me disa pronarë ishte në fazë negociimi.

(F.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet ecotech energy services gazmend paja lulzim mehmetaj startek ecotech energy services gazmend paja lulzim mehmetaj startek

Sondazh

Poll

MË SHUMË