Bota

Lufta në Ukrainë, Rusia i kthehet kërcënimeve bërthamore: Kemi të drejtë të sulmojmë

26 Mars 2022, 19:15 Nga DOSJA

Lufta në Ukrainë, Rusia i kthehet kërcënimeve

RUSI- “Rusia ka të drejtë të përdorë armë bërthamore ,” tha Dmitry Medvedev, ish-presidenti i Federatës Ruse dhe nënkryetari aktual i Këshillit të Sigurimit. CNN shkruan se Medvedev ka listuar një sërë arsyesh se përse Rusia ka të drejtë të përdorë armë bërthamore.

“Ne kemi një dokument të veçantë për parandalimin bërthamor . Ky dokument tregon qartë arsyet pse Federata Ruse ka të drejtë të përdorë armë bërthamore. Ka disa prej tyre, më lejoni t’ju kujtoj: Numri një është situata kur Rusia goditet nga një raketë bërthamore. Rasti i dytë është çdo përdorim i armëve të tjera bërthamore kundër Rusisë ose aleatëve të saj. I treti është një sulm ndaj një infrastrukture kritike që do të paralizojë parandaluesit tanë bërthamorë. Dhe rasti i katërt është kur ka një akt agresioni kundër Rusisë dhe aleatëve të saj, i cili rrezikoi vetë ekzistencën e vetë vendit, edhe pa përdorimin e armëve bërthamore, domethënë me përdorimin e armëve konvencionale. Ka një vendosmëri për të mbrojtur pavarësinë, sovranitetin e vendit tonë, për të mos dhënë asnjë arsye për të dyshuar as më të voglin se jemi të gatshëm t’i japim një përgjigje të denjë çdo cenimi të vendit tonë, pavarësisë së tij”,tha Medvedev.

Ministri rus i Mbrojtjes Sergei Shoigu, në daljen e tij të parë publike në rreth dy javë, përsëriti se gatishmëria bërthamore është një prioritet për Moskën. Në një video të postuar në rrjetet sociale nga Ministria ruse e Mbrojtjes, Shoigu tha se kishte diskutuar me Ministrinë e Financave çështje që lidhen me buxhetin ushtarak dhe urdhrat e mbrojtjes.

“Ne vazhdojmë të dorëzojmë armë dhe pajisje paraprakisht përmes kreditit. “Prioritetet janë armët me rreze të gjatë, me precizion të lartë, pajisjet e avionëve dhe ruajtja e gatishmërisë së forcave bërthamore strategjike”, tha ai ndër të tjera.

LAJMI KRYESOR: LUFTA/Moska ndryshon planet, Zelenskyy: I kemi dhënë Rusisë ‘goditje të fuqishme’

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota dmitry medvedev lufta ukraine-rusi sergei shoigu dmitry medvedev lufta ukraine-rusi sergei shoigu