Bota

Çfarë nënkupton vërtet Kina kur flet për zgjerimin e NATO-s drejt lindjes?

23 Mars 2022, 12:45 Nga DOSJA
Çfarë nënkupton vërtet Kina kur flet për zgjerimin e

Hong Kong- Kur forcat e armatosura ruse nisën një sulm të paprovokuar ndaj Ukrainës muajin e kaluar, Pekini u duk se po mbante anën e Moskës. Tani, ndërsa Kina përballet me presionin nga Perëndimi për të dënuar pushtimin rus, po shton retorikën e ngjashme për të folur për gjurmën e Amerikës në Azi. Ditët e fundit, zyrtarë të lartë të Ministrisë së Jashtme kineze kanë akuzuar SHBA-në se po kërkon të ndërtojë një bllok të ngjashëm me NATO-n në Indo-Paqësorin, me një paralajmërim zyrtar për pasoja “të paimagjinueshme”, nëse një gjë e tillë ndodh. 

Në një konferencë në Pekin të shtunën, zëvendësministri i Jashtëm kinez Le Yucheng tha se kriza e Ukrainës mund të përdoret si një “pasqyrë” për të parë situatën e sigurisë në rajonin Azi-Paqësor. Le nuk përmendi emrin e SHBA-së, por ai iu referua në mënyrë eksplicite strategjisë Indo-Paqësorit — një plan që administrata Biden e detajoi muajin e kaluar për të forcuar rolin e Amerikës në rajon.

Ndërtimi i “qarqeve ose grupeve të vogla të mbyllura dhe ekskluzive” në rajon “është po aq e rrezikshme sa strategjia e NATO-s për zgjerimin drejt lindjes në Evropë”, tha Le në ngjarjen në Universitetin Tsinghua, sipas një versioni të fjalimit të publikuar nga Ministria e Jashtme e Kinës.

“Nëse lejohet të vazhdojë pa u kontrolluar, kjo do të sillte pasoja të paimagjinueshme dhe përfundimisht do të shtynte Azi-Paqësorin mbi buzën e një humnere,”- tha ai.

Analistët kanë bërë krahasime midis kërcënimeve autoritare ndaj Ukrainës dhe Tajvanit, një demokraci ishullore vetëqeverisëse, të cilën Pekini e pretendon si të vetën dhe nuk e ka përjashtuar as mundësinë e marrjes me forcë. Në fillim të këtij muaji, një grup ish-zyrtarësh të mbrojtjes dhe sigurisë amerikane udhëtuan për në Taipei në një sinjal të mbështetjes amerikane në mes të krizës evropiane.

“Nëse ka një konflikt për çështjen e Tajvanit, një skenar i rastit më i keq (për Kinën) do të ishte që Kina jo vetëm që do të duhej të luftonte kundër Tajvanit, kundër SHBA-së, (por që) ndoshta ndaj disa aleatëve të SHBA-së do të dilnin kundër Kinës,”-thonë ekspertët.

Marrë nga CNN

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota

Sondazh

Poll

MË SHUMË