Bota

‘Tradhtarë kombëtarë, nuk jetojnë dot pa fruta deti’, Putin sulmon rusët properëndimorë

17 Mars 2022, 13:30 Nga DOSJA
‘Tradhtarë kombëtarë, nuk jetojnë dot pa fruta

RUSI– Presidenti rus Vladimir Putin, i cili ka shtypur çdo mospajtim që nga pushtimi i Ukrainës, të mërkurën sulmoi rusët properëndimorë duke i quajtur ata “tradhtarë kombëtarë” në një fjalim televiziv.

“Perëndimi do të përpiqet të mbështetet në të ashtuquajturën kolonë të pestë, tek tradhtarët kombëtarë, tek ata që fitojnë para këtu me ne, por jetojnë atje. Dhe dua të them ‘jetoni atje’ as në kuptimin gjeografik të fjalës, por sipas mendimeve të tyre, ndërgjegjes së tyre skllavërore. Këta njerëz nuk mund të jetojnë pa fruta deti dhe liri gjinore”, tha ai.

Termi “kolona e pestë” zakonisht i referohet simpatizantëve të armikut dhe e ka origjinën gjatë Luftës Civile Spanjolle.

Udhëheqësi rus, forcat e të cilit janë bllokuar në Ukrainë dhe vendi i të cilit po përballet me katastrofë ekonomike për shkak të sanksioneve perëndimore, shpesh ka fajësuar ndikimet perëndimore për atë që mundon vendin e tij.

Ai ka kufizuar sistematikisht të drejtat LGBTQ në Rusi. Javën e kaluar, udhëheqësi i kishës Ortodokse Ruse, Patriarku Kirill, një aleat i Putinit, tha se konflikti në Ukrainë ishte një zgjatje e një përplasjeje kulturore themelore midis botës më të gjerë ruse dhe vlerave liberale perëndimore, e ilustruar nga shprehjet e krenarisë së homoseksualëve.

Putin ka imponuar besnikëri të verbër nga mediat ruse dhe në fillim të këtij muaji nënshkroi një projekt-ligj censurimi duke e bërë gati të pamundur për organizatat ndërkombëtare të lajmeve raportimin e saktë të lajmeve brenda ose nga Rusia.

Megjithë shtypjen, një gazetar i televizionit shtetëror rus protestoi të hënën kundër pushtimit të Ukrainës gjatë një transmetimi të drejtpërdrejtë lajmesh në rrjetin Channel One të kontrolluar nga qeveria.

Ekonomia e tij është në prag të falimentimit. Të mërkurën, Rusia tha se kishte urdhëruar që pagesat e interesit prej 117 milionë dollarësh që i detyrohen të mërkurën t’u dërgohen investitorëve. Por për shkak se fondet e përdorura për të bërë pagesat e borxhit erdhën nga asetet e huaja të ngrira të Rusisë, mbetet e paqartë nëse investitorët do t’i marrin paratë e tyre.

Presidenti Joe Biden, në një ndryshim në pozicionin amerikan, të mërkurën tha se lideri rus ishte një ‘’kriminel lufte’’. Ishte dënimi më i ashpër i veprimeve të Putinit nga çdo zyrtar amerikan që nga fillimi i luftës në Ukrainë tre javë më parë.

(d.a/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota lufta ukraine-rusi vladimir putin lufta ukraine-rusi vladimir putin

Sondazh

Poll

Bota 17 Mars 2022, 12:50

Më vjen turp për vendin tim!

Nga Paul Ronzheimer, BILDNdërsa presidenti ukrainas Volodymyr Zelensky po kërkonte dëshpërimisht ndihmë nga anëtarët e Bundestagut gjerman përmes një videokonfe...

MË SHUMË