Aktualitet

EMRAT/ Strehonin 5 emigrantë, prangosen dy persona, u gjendet dhe një armë zjarri

16 Mars 2022, 08:13 Nga DOSJA
EMRAT/ Strehonin 5 emigrantë, prangosen dy persona, u gjendet dhe një

GJIROKASTËR– Artan Meçi 51 vjeç dhe Martin Koçiu 28 vjeç, banues në fshatin Lazarat, Gjirokastër janë vënë në pranga pasi akuzohen se kanë strehuar pesë emigrantë të cilët kishin si synim vendet evropiane. Sipas njoftimit të policsë, në shtëpinë e Meçit është gjetur edhe një armë zjarri dhe një sasi municioni luftarak. Të dy akuzohen për veprat penale “Dhënia ndihmë për kalim të paligjshëm të kufirit” kryer në bashkëpunim dhe “Mbajtja pa leje e armëve luftarake dhe municionit”.

Njoftimi i policisë: Finalizohet me sukses operacioni policor i koduar “ROAD GUARD 8”. Goditet një tjetër rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit. Strehonin 5 emigrantë të paligjshëm që kishin si qëllim kalimin në vendet e BE-së, vihen në pranga 2 shtetas. Sekuestrohet një armë zjarri, të cilën e mbante në banesë njëri nga të arrestuarit. Specialistët e Seksionit për Hetimin e Trafiqeve të Paligjshme, në bashkëpunim me Komisariatin e Policisë Gjirokastër dhe Seksionin Operacional, në vijim të punës për goditjen e aktivitetit kriminal të dhënies ndihmë shtetasve të huaj për kalim të paligjshëm të kufirit, kundrejt fitimit, në bazë të informacioneve të siguruara në rrugë policore, finalizuan me sukses operacionin policor “ROAD GUARD 8”, si rezultat i të cilit u arrestuan në flagrancë shtetasit A. M., 51 vjeç dhe M. K., 28 vjeç, banues në fshatin Lazarat, Gjirokastër.

Arrestimi i tyre u bë pasi në bashkëpunim me njeri-tjetrin, në vendin e quajtur “Ish-Pularia”, në fshatin Lazarat, kanë pritur dhe strehuar kundrejt fitimit, 5 emigrantë të paligjshëm nga vendet MENA, të cilët kishin hyrë dhe qëndronin ilegalisht në Shqipëri, për të kaluar më pas në vendet e BE-së. Gjatë kontrollit të ushtruar nga shërbimet e Policisë, në banesën e shtetasit A. M. u gjet 1 armë zjarri pistoletë dhe një sasi municioni luftarak. Në cilësinë e provës materiale u sekuestruan arma e zjarrit, municioni luftarak, 1 automjet dhe 2 aparate celulare. Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprat penale “Dhënia ndihmë për kalim të paligjshëm të kufirit” kryer në bashkëpunim dhe “Mbajtja pa leje e armëve luftarake dhe municionit”.

(f.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet artan meçi martin koçiu policia e gjirokastres artan meçi martin koçiu policia e gjirokastres

Sondazh

Poll

MË SHUMË