Aktualitet

Sekuestrohen 31 kg kanabis/ Policia zbulon furgonin e trafikantëve në aksin Tiranë-Durrës

11 Mars 2022, 14:26 Nga DOSJA
Sekuestrohen 31 kg kanabis/ Policia zbulon furgonin e trafikantëve në

TIRANË- Tre persona janë arrestuar ndërkohë që dy tjerë janë shpallur në kërkim pas finalizimit të operacionit “Overpas” për goditjen e trafikimit të lëndëve narkotike. Në pranga kanë përfunduar Devi Mene, 29 vjeç, Florjan Tereziu, 36 vjeç dhe Adi Sheteli, 26 vjeç, ndërkohë që po punohet për kapjen e dy bashkëpunëtorëve të tjerë J. Z., 30 vjeç dhe E. S., 22 vjeç. Sipas Policisë së Shtetit, këta persona në bashkëpunim me njëri tjetrin siguronin lëndë narkotike dhe më pas e tregtonin atë me pakicë te persona të tretë. Brenda mjetit janë gjetur 29 pako me kanabis që kishte një peshë prej 31 kg. 

Njoftimi i policisë

Finalizohet operacioni i koduar “Overpass”, për goditjen e veprimtarisë kriminale në fushën e narkotikëve. Operacioni i zhvilluar nga Sektori për Hetimin e Narkotikëve dhe Trafiqeve të Paligjshme në DVP Tiranë, në bashkëpunim me Komisariatin e Policisë Vorë dhe Prokurorinë e Rrethit Gjyqësor Tiranë. Vihen në pranga 3 shtetas, shpallen në kërkim 2 të tjerë. Sekuestrohen 31 kilogramë lëndë e dyshuar narkotike cannabis sativa, 2 automjete, 8 aparate celulare, servera për kamera dhe dokumente të ndryshme.

Specialistët e Sektorit të Hetimit të Narkotikëve dhe Trafiqeve të Paligjshme, në bashkëpunim me Komisariatin e Policisë Vorë, në vijim të punës për goditjen e aktivitetit kriminal në fushën e prodhimit dhe shpërndarjes së lëndëve narkotike, pas një pune të mirëfilltë hetimore, bazuar dhe në informacionet e marra në rrugë operative, organizuan dhe finalizuan operacionin policor të koduar “Overpass”.

Në kuadër të këtij operacioni u bë arrestimi në flagrancë i shtetasve: – D. M., 29 vjeç, banues në Laprakë, për veprën penale “Prodhimi dhe shitja e narkotikëve”; – F. T., 36 vjeç, banues në Vorë, për veprën penale “Veprime që pengojnë zbulimin e së vërtetës”; – A. Sh., 26 vjeç, banues në Vorë, për veprën penale “Veprime që pengojnë zbulimin e të vërtetës”. Gjithashtu në vijim të veprimeve u shpallën në kërkim shtetasit J. Z., 30 vjeç dhe E. S., 22 vjeç, për veprën penale “Prodhimi dhe shitja e narkotikëve”.

Këta shtetas dyshohet se në bashkëpunim me njëri-tjetrin, siguronin lëndë të dyshuar narkotike të llojit cannabis sativa në sasi të mëdha dhe më pas e shisnin atë me pakicë te persona të tjerë. Në rrugën dytësore në autostradën Tiranë-Durrës, shërbimet e Policisë kanë lokalizuar një automjet brenda të cilit dyshohej se kishte lëndë narkotike të llojit cannabis sativa. Gjatë kontrollit të këtij automjeti janë gjetur 29 pako me lëndë të dyshuar narkotike të llojit cannabis sativa, me një peshë totale 31 kg. Nga veprimet hetimore të kryera ka rezultuar se autorë të dyshuar si të implikuar në këtë veprimtari kriminale janë shtetasit D. M., J. Z. dhe E. S. Gjithashtu, nga veprimet hetimore të kryera dyshohet se shtetasit F. T. dhe A. Sh., me detyrë operatorë të kamerave, kanë ndërhyrë në serverat e kamerave të sigurisë, për të fshirë pamjet e regjistruara. Vijon puna për identifikimin dhe kapjen e personave të tjerë të përfshirë në këtë veprimtari kriminale. Materialet i kaluan Prokurorisë pranë Gjykatës së Shkallës së Parë të Rrethit Gjyqësor Tiranë, për veprime të mëtejshme procedurale.

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet adi sheteli devi mene florjan tereziu operacioni overpass tirane adi sheteli devi mene florjan tereziu operacioni overpass tirane

Sondazh

Poll

MË SHUMË