Aktualitet

‘Road Guard’/ Transportonte 16 emigrantë, shpallet në kërkim 25-vjeçari në Gjirokastër

11 Mars 2022, 14:01 Nga DOSJA
‘Road Guard’/ Transportonte 16 emigrantë, shpallet në

GJIROKASTËR– Një 25-vjeçar është shpallur në kërkim nga policia në Gjirokastër. I riu me inicialet S.S është në kërkim pasi dyshohet se po transportonte 16 emigrantë të paligjshëm nga vendet MENA, kundrejt fitimit. I riu u kap nga policia në vendin e quajtur “Ura e Lumit”, mirëpo edhe pse efektivët i kanë bërë shenjë ndalimi i riu i cili po drejtonte automjetin tip furgon, nuk i është bindur urdhrit të punonjësve të policisë për të ndaluar mjetin, të cilin e ka braktisur në vendin e quajtur “Virua”

NJOFTIMI I POLICISË:

Vijon operacioni policor “ROAD GUARD”. Goditet një tjetër rast i veprimtarisë kriminale të dhënies ndihmë shtetasve të huaj për kalim të paligjshëm të kufirit, kundrejt fitimit. Transportonte 16 emigrantë të paligjshëm, shpallet në kërkim 25-vjeçari. Sekuestrohet automjeti. Specialistët e Seksionit për Hetimin e Trafiqeve të Paligjshme, në bashkëpunim me Sektorin e Policisë Rrugore në DVP Gjirokastër, në vijim operacionit policor “ROAD GUARD” për goditjen e aktivitetit kriminal të dhënies ndihmë shtetasve të huaj për kalim të paligjshëm të kufirit, kundrejt fitimit, bënë shpalljen në kërkim të shtetasit S. S., 25 vjeç banues në Tepelenë (me precedent të mëparshëm penal). Shpallja në kërkim e tij u bë pasi, në vendin e quajtur “Ura e Lumit”, Gjirokastër, shërbimet e Policisë Rrugore i kanë bërë shenjë ndalimi shtetasit S. S., i cili po drejtonte automjetin tip furgon, por ai nuk i është bindur urdhrit të punonjësve të policisë për të ndaluar mjetin, të cilin e ka braktisur në vendin e quajtur “Virua”. Nga veprimet hetimore rezultoi se shtetasi S. S. po transportonte 16 emigrantë të paligjshëm nga vendet MENA, kundrejt fitimit. Vijon puna për kapjen e këtij shtetasi dhe vënien përpara përgjegjësisë ligjore. Në cilësinë e provës materiale u sekuestrua automjeti tip furgon. Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër, për veprat penale “Dhënia ndihmë për kalim të paligjshëm të kufirit” dhe “Mosbindja ndaj urdhrit të punonjësit të policisë së rendit publik”.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet arrestim në gjirokastër gjirokaster arrestim në gjirokastër gjirokaster

Sondazh

Poll

MË SHUMË