Politike

Ushqimi dhe shërbimi veterinar, Meta dekreton dy ligje: Duhet miratuar strategji e re

18 Shkurt 2022, 10:23 Nga DOSJA

TIRANË – Presidenti i Republikës Ilir Meta dekretoi sot ndryshimet në ligjin për ushqimin dhe shërbimin veterinar. Kreu i shtetit kërkon që të merren masa për sigurinë ushqimore, import-eksportin e tyre si dhe hartimin e miratimin e një Strategjie për Sigurinë Ushqimore.

Meta kërkoi nga institucionet që të angazhohen jo vetëm në hartimin e strategjivë të sigurisë ushqimore, por dhe në realizimin e tyre.

NJOFTIMI I PRESIDENCëS:
Presidenti i Republikës, Sh.T.Z. Ilir Meta, ka dekretuar me shpallje:

1) Ligjin nr. 10/2022 “Për disa shtesa dhe ndryshime në ligjin nr. 9863, datë 28.1.2008 “Për ushqimin”, të ndryshuar”; dhe
2) Ligjin nr. 11/2022 “Për disa shtesa dhe ndryshime në ligjin nr. 10465, datë 29.9.2011, “Për shërbimin veterinar në Republikën e Shqipërisë”, të ndryshuar”.

Ndryshimet ligjore që synojnë përmirësimin e legjislacionit për lehtësimin e klimës së bizneseve, të cilat kryejnë veprimtari ekonomike në import-eksport në fushat e ushqimit dhe ushqimit për kafshë; marrja e masave për sigurinë ushqimore; dhe sanksionimi në ligj i detyrimit për hartimin e miratimin e një Strategjie për Sigurinë Ushqimore, janë të mirëpritura.

Është me rëndësi që institucionet shtetërore të angazhohen jo vetëm në hartimin e strategjive publike në këtë drejtim, por edhe në zbatimin e tyre me përpikmëri, duke forcuar kontrollin ndaj sigurisë ushqimore, në mbrojtje të konsumatorit.


 

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike ilir meta ilir meta

Sondazh

Poll

MË SHUMË