Aktualitet

Prek Tonaj ishte i fundit, 2 vëllezërit ia vranë njëri pas tjetrit, dështoi tu merrte hakun

13 Shkurt 2022, 19:47 Nga DOSJA

Prek Tonaj ishte i fundit, 2 vëllezërit ia vranë njëri pas

SHKODËR– Prek Tonaj është i treti person nga e njëjta familje që mbetet i vrarë në një hark kohor prej më pak se 30 vitesh. Mësohet se 47-vjeçari që u ekzekutua sot në një lokal në qendër të fshatit Grudë e Re në Shkodër ka humbur edhe dy vëllezërit e tij, që ja kanë vrarë në periudha të ndryshme kohore.

Në fillim në viteve ’90 është vrarë vëllai i parë i Tonaj, ngjarje që edhe në ditët e sotme ka mbetur pa autor. Pak vite më vonë, Tonajt i vranë një tjetër vëlla. Këtë herë në burg. Pikërisht këto ekzekutime të njëpasnjëshme mësohet se kanë qenë edhe arsyeja që në vitin 2011, kur Tonaj ishte 36 vjeç mori armët dhe u nis të merrte hakun. Por nuk ia doli dot!

Ndue Tonaj, banues në fshatin Vuksan, Prek Tonaj, banues në fshatin Grudë e re dhe Ndoc Prela, banues në lagjen “3 Heronjtë” në qytetin e Shkodrës u vunë në pranga, ndërsa armët që kishin u sekuestruan nga policia.

‘Hasmi’ shpëtoi, por nuk u mjaftua me kaq. Ai u kujdes që të shuante edhe vëllanë e fundit të familjes Tonaj, Prek Tonaj që e vrau këtë mbrëmje. 47-vjeçari ishte ulur si çdo mbrëmje në lokalin në qendër të fshatit ku jetonte kur u zu në befasi nga një person i maskuar. Ky i fundit e qëlloi me breshëri kallashnikovi dhe e la të vdekur në vend.

Hyrjet e daljet e qytetit janë bllokuar nga forca të shumta policie që janë vënë në kërkim të autorit apo autorëve që lanë pa baba fëmijët e 47-vjeçarit këtë mbrëmje.

LAJM KRYESOR:Vrasje me armë zjarri në Shkodër, ekzekutohet një person

(f.m/Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet prek tonaj vrasje ne shkoder vritet prek tonaj prek tonaj vrasje ne shkoder vritet prek tonaj