Art&Argëtim

Ç’deshi të thotë? Habit Albin Kurti: Prindi i prindit që nuk është gjyshi (Po kush?)

8 Shkurt 2022, 13:00 Nga DOSJA

Ç’deshi të thotë? Habit Albin Kurti: Prindi i prindit

PRISHTINË– Kryeministri i Kosovës, Albin Kurti, të hënën ka marrë pjesë në tryezën shkencore kushtuar studiuesit të albanologjisë, profesorit dhe drejtuesit shumëvjeçar të Institutit Albanologjik të Prishtinës, Sadri Fetiu. E gjitha me rastin e 80-vjetorit të lindjes së tij. Por i ka konfuzuar pak të gjithë me një term që ka përdorur.

“Prindi i prindit që nuk është gjyshi,”-tha Kurti teksa fliste për veprat e profesorit, Sadri Fetiu. Derisa po e përshkruante qasjen e Fetiut me nxënësit, Kurti ka ndarë një kujtim me babanë e vet, i cili ia kishte mësuar poezinë “Vaje” të shkrimtarit Andon Zako Çajupi.

Kurti tha se në fillim kishte menduar se poezinë e kishte shkruar profesori Sadri Fetiu, i cili ia kishte mësuar babait të tij poezinë “Vaje”. Në fjalën e tij, kryeministri sqaron se shumë kohë më vonë, poezia titullohej “Vaje” e jo “Evgjenia” siç kishte menduar, e më pas kishte kuptuar edhe se autor i saj ishte Çajupi. Pikërisht në këtë moment, Kurti thotë se sa i rëndësishëm është prindi, është edhe prindi i prindit, e që nuk është gjyshi.

“Unë si fëmijë, para se ta hasi Evgjeninë te letërsia dhe mitologjia antike, Euripidi e Lukreci e më vonë edhe te Dante e te Gëte, e kam mësuar Evgjeninë e Andon Zako Çajupit te poezia “Vaje”. Mirëpo para se të shkoj në shkollë e mbaj në mend mirë që babai e recitonte këtë poezi, të cilën unë mendoja që quhet “Evgjenia”, e jo “Vaje”. Atëkohë jo vetëm që mendoja që quhet “Evgjenia” e jo “Vaje”, por mendoja që e ka shkruar Sadri Fetiu, sepse babai e recitonte poezinë edhe thoshte që ja ka mësuar Sadri Fetiu. E unë besoja që ai që ia ka mësuar edhe e ka shkruar. Është dashur shumë vjet më vonë në shkollë ta marr vesh se poezia nuk quhet “Evgjenia”, por quhet “Vaje” dhe se nuk e ka shkruar Sadri Fetiu, por e ka shkruar Anton Zako Çajupi. Sa është i rëndësishëm prindi, po aq i rëndësishëm është edhe prindi i prindit e që nuk është gjyshi. Para se të kem mësuese timen, kam pasur mësues të prindit tim, e që ka qenë Sadri Fetiu”, ka thënë Kurti.

Ndoshta do të bazohet në shprehjen “mësuesi është prind i dytë”, po ku i dihet…

(k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

virale virale albin kurti kosove albin kurti kosove