Aktualitet

Audio-Përgjimi i Veliajt! Rama: E mora në telefon, pse e përmend SPAK i thashë

27 Janar 2022, 21:05 Nga DOSJA
Audio-Përgjimi i Veliajt! Rama: E mora në telefon, pse e përmend

TIRANË– Kryeminstri Edi Rama ka deklaruar se ka telefonuar kryebashkiakun e Tiranës, Erion Veliaj pasi doli audio-përgjimi skandaloz ku ky i fundit dëgjohej teksa kërcënonte FSHF-në me SPAK. I ftuar në “Open”, Rama tha se i kishte kërkuar llogari Veliajt për përmendjen e SPAK dhe se kishte marrë të gjithë informacionin e nevojshëm. Për pjesën tjetër të bisedës, Kreu i Qeverisë tha se ishte një dialog mes djemsh e jo formal dhe se nuk donte as ta dëgjonte apo komentonte.

Pjesë nga biseda:

Edi Rama: Nuk kam asnjë koment për këtë çështje. Qeveria është tërësisht jashtë kësaj çështjeje. Tani axhendën e emisionit tuaj nuk do ta bëj unë, por më shumë interes për shqiptarët do të ishte legalizimi i kanabisit, apo amnisitia për kursimet e emigrantëve. Konflikti mes Bashkisë së Tiranës e FSHF-së nuk është ë interes të njerëzve. Të gjitha përgjimet dalin nga konteksti, nuk i shoh, transformohen e…mora Veliajn ta pyes çfarë është kjo..

Robert Rakipllari: Për një përgjim keni bërë 21 janarin

Edi Rama: Si?

Robert Rakipllari: Keni bërë protestë për 21 janarin për një përgjim që doli në ekrane

Edi Rama: Nuk po flasim për filma, kur del diçka me zë e me figurë që ti më jep lekë e unë marr lekë, nuk bëj dot sikur s’e shoh. Janë dy gjëra të ndryshme. Që po thoja, e mora Veliaj në telefon dhe më sqaroi për pozicionin e tij. Dhe i thashë ‘po SPAK për çfarë e përmend’ se SPAK-u nuk merret me një OJF, FSHF-ja është OJF dhe SPAK nuk merret fare. Unë e di që përgjimet transfomrhen se e kam provuar në kurrizin tim. Atje, çfarë i thoja unë atij dhe çfarë diskutohej në televizione.

Eni Vasili: Kanë nisur hetimet

Edi Rama: Nga SPAK?

Eni Vasili: Jo Prokuroria

Edi Rama: E shikon, aq shumë e kontrollon Veliaj SPAK-un saqë nuk e di se me çfarë merret. Dhe po të na kishin regjistruar tani cfarë folëm e të na fusnin live, ishte toni tjetër. Njerëz jemi ne, mish, kocka, gjak. E mora ta pyes çfarë është dhe më shpjegoi kontekstin, pozicionin e tij, abuzimet e federatës, të gjithë procesin e zgjedhjeve që sipas tij po bëhet përveç çdo standardi. Po i thashë për çfarë e përmend SPAK-un? Kur them që këto përgjime bëhen bazë abuzimi se i kam vuajtur në kurriz. SPAKu nuk ka lidhje me këtë. Është një fjalë e thënë në muhabet, por SPAK nuk ka kompetencë të merret.

(F.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore kryesore edi rama edi rama

Sondazh

Poll

MË SHUMË