Aktualitet

Tritoli në banesën e kreut të FSHF, Agron Duka: Veliaj negociata me të fortët

25 Janar 2022, 17:55 Nga DOSJA

Tritoli në banesën e kreut të FSHF, Agron Duka: Veliaj negociata

TIRANË – Deputeti Agron Duka reagoi i shqetësuar lidhur me shpërthimin me tritol në banesën e vëllait të tij, Armandit, president i Federatës Shqiptare të Futbollit. Në studion e “Ora Neës”, deputeti i opozitës deklaroi se kryebashkiaku i Tiranës Erion Veliaj negocion me njerëz të fortë, i cili është angazhuar hapur kundër Armand Dukë për t’u rizgjedhur në krye të FSHF.

Më tej, Agron Duka tregon se e ndiente që diçka e rrezikshme mund të ndodhte pas sulmeve të ashpra të Veliajt ndaj kreut të FSHF. Megjithatë, Agron Duka nuk e konsideron kryetarin e Bashkisë së Tiranës si porositësin e vendosjes së tritolit në shtëpinë e vëllait të tij. Në fund, ai bëri thirrje nga shteti që të marrë masa për mbrojtjen e familjeve të tyre.

“Mënyra e komunikimit të Veliajt për të zaptuar patjetër atë që kishte ngelur. E ndjeja që mund të ndodhte një gjë, e kisha thënë në intervistë që ndihemi të kërcënuar. Bashkëshortja dhe djali i Armandos ndodheshin në shtëpi dhe ishin të frikësuar. Çfarë faj kanë atë që Veliaj do të vendosë një person të vetin në FSHF? Vajtja në atë biznes cënon jo vetëm atë biznes por të gjitha bizneset. Unë nuk besoj që Veliaj ka marrë guximin që të çojë një person që të vendos tritol, dhe të kërcënoj Armandon që të tërhiqet nga zgjedhjet, por jam i sigurt që ka bërë negociata me të fortët që më pas është e vështirë t’i menaxhosh. Tatimorët janë ushtarë, kanë marrë urdhër që të vijnë. Deri në momentin që është e hapur kjo garë, deri në momentin që të zhvillohen zgjedhjet nuk dihet se çfarë do të ndodh. Shteti duhet të marrë masa për familjet tona. Nëse shteti bashkëpunon me krimin atëherë çfarë nuk mund të ndodh”, u shpreh Agron Duka në “Ora Neës”.

Dita e djeshme shënoi një përplasje të ashpër mes kryetarit të Bashkisë së Tiranës Erion Veliaj dhe presidentit të FSHF-së Armand Duka. FSHF publikoi një audio të mbledhjes së dy ditëve më parë të disa anëtarëve të shoqatave sportive të Tiranës me Veliajn, ku ky i fundit trysnonte anëtarët e saj me fjalor banal që të pengonin zgjedhjen e kandidatëve të FSHF në krye të shoqatës rajonale të futbollit “Tirana”. Mes polemikave të kandidatit Eduard Prodani se listat e delegatëve ishin manipuluar, asambleja e djeshme zgjodhi me 44 vota pro Krenar Alimehmetin si kryetarin e ri të SHRF “Tirana”.

Më pas, Veliaj me disa kryetarë të shoqatave sportive të Tiranës deklaroi se do të padisë sekretarin e Përgjithshëm të FSHF-së Ilir Shulkun dhe sekretarin e SHRF “Tirana” për zgjedhjen e Krenar Alimehmetit.

Rreth orës 22:00, një sasi tritoli e vendosur poshtë portës së banesës së familjes së Armand Dukës në Durrës shpërtheu duke shkaktuar vetëm dëme materiale. Kamerat e sigurisë treguan se një person me kapuç dhe rroba të zeza ishte autori i vendosjes së lëndës shpërthyese. Në lidhje direkte me emisionin “Opinion”, Armand Duka tregoi mesazhin kërcënues të ardhur në adresë të tij nga një person me emrin Sabian Rrapushi, i cili i kërkonte të dorëhiqej nga posti i presidentit të FSHF ose do të ekzekutohej me 60 plumba në kokë. Armand Duka tha se ka bërë verifikime dhe numri që i ka dërguar mesazhin është përdorur vetëm një herë, ndërsa ka rreth 1 mijë numra me emrin Sabian Rrapushi. Lidhur me kandidimin për president të FSHF në 2 mars, Duka deklaroi se nëse shpërthimi me tritol është paralajmërim, ai do të tërhiqej nga gara, në të kundërt do ta mendonte rikandidimin.

Sot, UEFA dënoi ngjarjen në banesën e Armand Dukës.

(d.v/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet agron duka armand duka erion veliaj tritol ne shtepine e armand dukes agron duka armand duka erion veliaj tritol ne shtepine e armand dukes