Aktualitet

“Bëmë burg për ty, na shite te Rama”/ Basha në Durrës: Shqipëria do bëhet si PD

22 Janar 2022, 15:58 Nga DOSJA
“Bëmë burg për ty, na shite te Rama”/ Basha në

DURRËS– Kryetari i Partisë Demokratike Lulzim Basha zhvilloi sot takim me demokratë dhe qytetarë të Durrësit. Kryedemokrati është pritur sërish me protesta, të cilat janë kthyer në diçka normale për takimet e tij. Përpara se të mbërrinte në qytetin bregdetar, një grup demokratësh, që mbështesin ish-kryeministrin Sali Berisha protestuan me pankarta para hyrjes së sallës ku do të zhvillohej mbledhja. “Ne bëmë burg për ty, ti na shite te Rama” ishte slogani kryesor i kësaj proteste. Megjithatë, policia krijon kordon me efektivë për të shmangur përplasjet e mundshme mes mbështetësve të Bashës dhe Berishës.

Në sallën me demokratët e Durrësit, Basha tha beteja për të marrë drejtimin e Shqipërisë nuk është e pamundur për t’u fituar. Ai theksoi se në të njëjtën mënyrë siç u nda PD nga e shkuara me përjashtimin e Sali Berishës, në të njëjtën mënyrë do të mbyllë dhe Shqipëria tranzicionin politik. Basha denoncoi dhe projektin e Portin e Durrësit duke e konsideruar aferë korruptive. Kryedemokrati premtoi se partia e tij do të ndjekë çdo hap ligjor dhe kushtetues për ta bllokuar zbatimin e tij.

Në vijim të fjalës së tij, Basha akuzoi dhe ish-kryebashkiakun e Durrësit Vangjush Dako, për të cilin përmendi se ka caktuar Emirjana Sakon si kandidate për postin e kryebashkiakes së Durrësit në zgjedhjet e ardhshme të pjesshme në 6 mars.

Lideri i opozitës shprehu se është emergjente realizimi i reformës zgjedhore dhe vettingut në politikë. Basha akuzoi Berishën, kryeministrin Edi Rama dhe presidentin Ilir Meta si kundërshtarë të realizimit të procesit të vetingut në sistemin politik në Shqipëri.

Në fund të fjalës së tij, lideri demokrat Basha ftoi të gjithë demokratët që kanë dalë kundër tij pas humbjes së zgjedhjeve të 25 prillit dhe protestës së 8 janarit në selinë blu. Ai mirëpriti të gjithë sipërmarrësit dhe të persekutuarit dhe grupet e tjera të interesit të kthehen për të kontribuar në PD.

ÇFARË KA NDODHUR NË PD?
Që prej 9 shtatorit 2021 kur Lulzim Basha shpalli pezullimin e Sali Berishës nga grupi parlamentar demokrat një ditë para se Kuvendi të niste punimet e legjislaturës së 10-të, partia më e madhe opozitare është përfshirë në krizën më të thellë politike që prej themelimit të saj. Berisha paralajmëroi lëvizjen për rithemelimin e PD dhe shkarkimin e Bashës nga posti i kryetarit. Në muajin dhjetor, u qartësuan ndarjet brenda Partisë Demokratike me zhvillimin e dy kuvendeve (11 dhjetor në ‘Air Albania’ i thirrur nga Sali Berisha dhe 18 dhjetor nga Lulzim Basha në ‘Pallatin e Kongreseve) dhe referendumi i 18 dhjetorit. Palët kanë miratuar vendime kundër njëri-tjetrit. Berisha pretendon se rreth 44 mijë demokratë shkarkuan Bashën funksioni i liderit demokrat. Gjithashtu, dy fraksionet brenda selisë blu kanë miratuar ndryshime në statut, të cilat do të marrin përgjigje përfundimtare në gjykatë.

Kulmi i konfliktit arriti në 8 janar 2022, kur mbështetës të Sali Berishës hapën dyert e blinduara të godinës së PD dhe hynë brenda. Policia e Shtetit ndërhyri me gaz lotsjellës dhe ujë për të shpërndarë demonstruesit. Berisha dhe Basha akuzuan njëri-tjetrin se kanë përfshirë elementë kriminalë në radhët e tyre.

Kryesia e Partisë Demokratike vendosi në mbledhjen e 10 janarit përjashtimin 8 deputetëve dhe pezullimin e 29 të tjerëve. Mes të përjashtuerve është dhe ish-kryeministri Sali Berisha. Të përjashtuarit e tjerë janë:  Bujar Nishani, Flamur Noka, Albana Vokshi, Edmond Spaho, Arben Ristani, Klevis Balliu dhe Keltis Kruja.

Gjithashtu, Kryesia vendosi njëzëri dhe pezullimin e përkohshëm të 19 anëtarë të PD. Ata janë: Agron Shehaj, Aldo Bumçi, Belind Kelliçi, Blendi Himci, Çlirim Gjata, Edit Harxhi, Edi Paloka, Eno Bozdo, Ervin Minarolli, Gent Deromemaj, Genc Pollo, Genti Strazimiri, Rigels Mucollari, Ivi Kaso Ledina Mandia, Luan Baci, Lorenc Luka, Mimoza Hajdarmataj, Oerd Bylykbashi, Tritan Shehu.

Berisha ka paralajmëruar protesta dhe takime me qytetërët në të gjithë Shqipërinë. Komisioni i Rithemelimit i dalë nga Kuvendi i 11 dhjetorit ka zhvilluar takimet e para në Berat dhe Lushnje. Basha dhe mbështetësit e tij kanë nisur turin e takimeve me demokratët në Fier, Tiranë dhe Kurbin. Kryedemokrati është pritur me protesta ku i është kërkuar largimi nga PD.

 

ZHVILLIMET ORË PAS ORE:

Basha:Jemi kaq shumë sa nuk na nxë salla,mirëpresim demokratët e ndershëm të kthehen

Basha: S’mund t’i besohet Ramës, tha 300 mijë vende pune, përzuri 500 mijë në azil

Basha: Dako cakton kandidatin për Durrësin, 3 persona s’e duan vettingun

Basha në Durrës: Siç është PD sot, do të jetë Shqipëria nesër

Kordon policor për ta mbrojtur! Basha pritet me protestë në Durrës: Turp! Na shite

(d.v.,k.m/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike lulzim basha ne durres perplasje ne partine demokratike lulzim basha ne durres perplasje ne partine demokratike

Sondazh

Poll

MË SHUMË