Politike

Vizita e Erdogan jehonë në mediat ndërkombëtare: Rama po i bën presion Evropës

17 Janar 2022, 09:56 Nga DOSJA

TIRANË – Vizita e Presidentit turk, Recep Tayip Erdogan në Shqipëri ka marrë vëmendjen edhe të mediave të huaja.

Kanë qenë mediat turke, të cilat shkruajnë se ajo që bie në sy është prania e flamujve të shumtë turq në Tiranë, por edhe në Laç, dy qytetet ku Erdogan do të shkojë, ndërsa nuk mungojnë as qyetetarët e shumtë që kanë dalë në rrugët e kryeqytetit për ta përshëndetur Erdoganin. Mediat turke shkruajnë po ashtu se përpara vizitës, Edi Rama ka folur për Financial Times, duke nënvizuar se Shqipëria mbetet e përkushtuar për integrimin në Bashkimin Evropian.

Ndërkohë, portali ‘Foreign Brief’ shkruan se kjo vizitë do shërbejë që Rama, nëpërmjet Turqisë, t’i bëjë presion Bashkimit Europian që të bëjë hapa për integrimin.

“Angazhimi diplomatik i Turqisë me Ballkanin Perëndimor i kombinuar me ndihmën ekonomike dhe humanitare është pjesë e strategjisë së saj më të madhe evropiane. Ankaraja i sheh lidhjet më të forta me rajonin si një mjet për të rritur ndikimin e saj në Evropë dhe për të forcuar dorën e saj në mosmarrëveshjet e vazhdueshme me BE-në, siç është fati i refugjatëve sirianë në Turqi dhe tensionet midis Turqisë dhe Greqisë në Mesdheun lindor. Në planin afatshkurtër, prisni që vizita e Erdoganit të përmirësojë imazhin e Turqisë si një ndërmjetës i ndershëm, duke e larguar Shqipërinë nga ndikimi i BE-së. Në periudhën afatmesme dhe afatgjatë, parashikoni një reagim negativ të BE-së ndaj një pranie më të madhe turke në oborrin e saj. BE mund të përpiqet të përshpejtojë anëtarësimin e Shqipërisë në Bashkimin Evropian duke lehtësuar kërkesat e rrepta të korrupsionit dhe sundimit të ligjit. Ndërkohë, Turqia ka të ngjarë të rrisë aktivitetin e saj pasi të vendosë fuqimisht fuqinë e saj të butë në rajon – domethënë, duke kërkuar një rol më të drejtpërdrejtë ndërmjetësues kur të shfaqen krizat e ardhshme rajonale.”, shkruan ndër të tjera në lidhje me këtë vizitë Foreignbrief.com.

Presidenti Turk Recep Tayip Erdogan ka mbërritur pak minuta më parë në Shqipëri. Mësohet se avioni i presidentit turk ka zbritur në tokën shqiptare një orë me vonesë. Arsyeja e vonesës së presidentit nuk është bërë e ditur mirëpo ceremonia zyrtare nisi dhe u zhvillua pa asnjë problem. Pas përfundimit të ceremonisë, Erdogan zgjodhi që të mos takojë dhe shtrëngojë dorën me asnjë nga delegacioni shqiptar i cili po e priste.

LAJMI KRYESOR: Vizita zyrtare! Erdogan në Shqipëri në 554-vjetorin e vdekjes së Skënderbeut (MASAT)

(e.h/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

politike politike edi rama erdogan ne shqiperi presidenti recep tayyip erdogan edi rama erdogan ne shqiperi presidenti recep tayyip erdogan