Aktualitet

Studimi/ Fëmijët preken më pak nga Omicron se sa nga Delta

15 Janar 2022, 10:46 Nga DOSJA
Studimi/ Fëmijët preken më pak nga Omicron se sa nga Delta

TIRANË- Mjeku epidemiolog Ilir Alimehmeti ka publikuar një studim në lidhje me variantin Omicron të Covid. Me anë të një postimi në Facebook, Alimehmeti shkruan se sipas një studimi nga Universiteti Case Western Reserve, bëhet me dije se fëmijët e infektuar me Omicron kanë 67% risk më pak për tu shtruar në spital. Nga studimi gjithashtu bëhet me dije se fëmijët e infektuar me Omicron kanë 68% më pak risk për t’u shtruar në terapi intensive.

Postimi i Plotë:

Nëse duhet të ketë shqetësime, ato m’i lini mua, në mënyrë që fëmija im të ketë paqe.”
Cit.: Thomas Paine
Miti që qarkullon aktualisht është se: “fëmijët e vuajnë më shumë variantin Omicron”!
Fakti është se: “SARS-CoV-2 gjithnjë i ka prekur shumë më lehtë fëmijët dhe Omicron është shumë më i lehtë se Delta”
Studiuesit e Universitetit Case Western Reserve (SHBA) studiuan në detaj:
7.198 fëmijë 0-5 vjeç të infektuar për herë të parë në periudhën kur >92% e rasteve ishin Omicron dhe
7.198 fëmijë 0-5 vjeç të infektuar për herë të parë në periudhën kur të gjitha rastet ishin Delta.
Në studim nuk luajti rol imuniteti preekzistues, sepse:
fëmijët 0-5 vjeç, siç e dini, janë të gjithë të pavaksinuar dhe
në studim u morrën vetëm fëmijët e infektuar për herë të parë.
Në studim për shkak të metodologjisë çiftuese, fëmijët janë të njëjtë për sa i përket:
moshës
gjinisë
nivelit socio-ekonomik
sëmundjeve bashkëshoqëruese dhe
mjekimeve të marra prej tyre.
Rezultatet janë të qarta në favor të ecurisë klinike më të lehtë të Omicron kundrejt Deltës!
Shtrimet në spital:
1.0% e fëmijëve me Omicron;
3.1% e fëmijëve me Delta;
67% më pak risk për t’u shtruar në spital gjatë valës Omicron.
Shtrimet në terapi intensive:
0.14% e fëmijëve me Omicron;
0.43% e fëmijëve me Delta;
68% më pak risk për t’u shtruar në terapi intensive gjatë valës Omicron.
Ventilimi mekanik:
0.33% e fëmijëve me Omicron;
1.15% e fëmijëve me Delta;
71% më pak risk për të pasur nevojë për ventilim mekanik gjatë valës Omicron.
Autorët dalin në përfundimin:
Të marra së bashku, këto rezultate tregojnë se varianti Omicron është qenësisht më i lehtë se sa varianti Delta për fëmijët 0-5 vjeç.

(I.A/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

aktualitet aktualitet ilir alimehemeti omicron ilir alimehemeti omicron

Sondazh

Poll

MË SHUMË