Bota

Eksperti afrikan: Karantina totale nuk është zgjidhje për përhapjen e Covid

6 Janar 2022, 15:18 Nga DOSJA

Eksperti afrikan: Karantina totale nuk është zgjidhje për

AFRIKA E JUGUT – Kreu i Qendrave Afrikane për Kontrollin dhe Parandalimin e Sëmundjeve, John Nkengasong, tha ditën e sotme se karantinat e rënda nuk janë më një mjet për të frenuar Covid-19.

Sipas Reuters, drejtori i CDC në Afrikë, tha në një konferencë shtypi se ai ishte i inkurajuar nga mënyra se si Afrika e Jugut, e para që zbuloi variantin Omicron, trajtoi valën e fundit Covid-19 të nxitur nga shqetësimi lidhur me variantin e ri

“Ne jemi shumë të inkurajuar me atë që pamë në Afrikën e Jugut në këtë periudhë se karantina nuk është më një zgjidhje. Periudha kur ne po përdorim bllokime të rënda si mjet ka mbaruar, në fakt duhet të shikojmë se si i përdorim masat e shëndetit publik dhe social me më shumë kujdes dhe në mënyrë të ekuilibruar ndërsa vaksinimi rritet,” tha zyrtari më i lartë i shëndetit publik të Afrikës.

Vendet në mbarë botën po shtrëngojnë kufizimet në mes të përhapjes së variantit shumë ngjitës Omicron, por kanë shmangur karantinat e rënda duke pasur parasysh nivelin e ulët të shtrimeve në spital. Afrika e Jugut identifikoi për herë të parë Omicron në nëntor të vitit të kaluar, kur vendi po përjetonte një rritje shqetësuese të rasteve të Covid-19. Ndërsa Afrika e Jugut ka kaluar kulmin e saj të rasteve të Covid të drejtuara nga Omicron, Perëndimi po raporton infeksione të reja rekord.

Disa shtete kanë shpallur kufizim të orarit natën dhe fundjavës për të parandaluar përhapjen e virusit. Kufizimet në teatro, qendra tregtare, restorante dhe bare janë rifutur gjithashtu mes frikës se spitalet po përmbyten gjatë valës së re të Covid.

(m.k/dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

bota bota afrika e jugut afrika e jugut ndalon vaksinimin covid ne afrike john nkengasong afrika e jugut afrika e jugut ndalon vaksinimin covid ne afrike john nkengasong