Sport

USA Swimming: ‘Trans’ Lia Thomas me rezultatet e saj, vë në ‘telashe’ notin amerikan

3 Janar 2022, 10:00 Nga DOSJA

USA Swimming: ‘Trans’ Lia Thomas me rezultatet e saj, vë

SHBA – Notarja amerikane Lia Thomas nuk është transgjinorja e parë që vazhdon karrierën e saj sportive, pasi iu nënshtrua procesit të ndryshimit të seksit, por rasti i saj po vë në pikëpyetje bazat mbi të cilat, me qëllim të mirë, rregullohen këto situata.

Thomas, 21 vjeç, ishte një notar që konkurroi si djalë në vitet e tij të shkollës, si dhe në tre vitet e tij të para të kolegjit në Universitetin e Pensilvanisë, përpara se të vendoste t’i nënshtrohej trajtimit hormonal për ndryshimin e seksit, diçka që natyra e tij e lejoi atë. Ky trajtim përkoi me sezonin 2020-21, i pezulluar nga pandemia e koronavirusit dhe kur u rishfaq vjeshtën e kaluar, Lia ka marrë në garat e saj të para universitare në testet e 200 dhe 500 jardëve në stilin e lire, që e rendisin si më të mirën e sezonit.

Rregullat që rregullojnë ndryshimin e seksit në sport po vihen në pikëpyetje. Komiteti Olimpik Ndërkombëtar (IOC) vendosi udhëzime të përgjithshme, që synojnë të parandalojnë “atletët të mos i nënshtrohen procedurave ose trajtimeve të panevojshme”. Çdo federatë e zbaton këtë doktrinë sipas gjykimit të saj.

USA Swimming, nuk imponon terapi hormonale për ata sportistë, që vendosin të ndryshojnë gjininë, nga mashkull në femër. Por rezultatet sportive të Lia Thomas, vënë në dyshim kapacitetet fizike, të krahasueshme me ato të një gruaje. Shumica e ekspertëve që kanë folur për këtë çështje, pohojnë se Thomas vazhdon të përfitojë nga zhvillimi muskulor që kishte në pubertetin e tij dhe si i rritur është i favorizuar nga testosteroni që trupi i tij prodhonte natyrshëm.

Avantazhi që ajo ruan pasi iu nënshtrua trajtimit hormonal, evokon atë të marrë nga notarët nga ish-Republika Demokratike Gjermane dhe nga Kina, deri jo shumë kohë më parë, përmes programeve shtetërore të dopingut që u dhanë atyre muskuj të hipertrofizuar, një ton zëri burrëror, paçka se në shumë raste shkaktoi probleme serioze shëndetësore ndër vite.

Përballë këtyre provave, reagimet kanë ndjekur njëra-tjetrën. Një grup prindërish të sportistëve të të njëjtit universitet me notaren, i janë drejtuar NCCA duke i kërkuar që ajo të mos lejohet të garojë në kategorinë e femrave. Një zyrtar i vjetër amerikan i notit dha dorëheqjen, ndërkohë që olimpistja e Tokios, Erika Brown, ka folur kundër lejimit të notareve transgjinorë, që të konkurrojnë kundër grave të lindura biologjikisht.

Duke shkuar më tej, a do të ishte e mundur të shihej Thomas duke konkurruar ndërkombëtarisht në emër të SHBA-së. Federata Amerikane e Notit ka një komitet të krijuar për këtë qëllim, i ngarkuar me analizimin e rasteve transgjinore rast pas rasti. Filtrat e tjerë do të ishin Federata Ndërkombëtare (FINA), kërkesat e vendosura nga Agjencia Botërore Anti-Doping (WADA) dhe IOC, e cila, siç u konstatua në rastin e peshëngritëses nga Zelanda e Re, Laurel Hubbard, pjesëmarrëse në Lojërat Olimpike të Tokios.

B.T (Dosja.al)

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

sport sport ioc ishte një notar që konkurroi si djalë lojërat olimpike të “tokyo 2020” lojërat olimpike të pekinit notarja amerikane lia thomas rezultatet sportive të lia thomas transgjinorja e parë ioc ishte një notar që konkurroi si djalë lojërat olimpike të “tokyo 2020” lojërat olimpike të pekinit notarja amerikane lia thomas rezultatet sportive të lia thomas transgjinorja e parë