Aktualitet

VENDIMET/Balluku: S’presim para nga Kosova për energjinë, ç’ndodh me e-albanian

29 Dhjetor 2021, 12:17 Nga DOSJA

VENDIMET/Balluku: S’presim para nga Kosova për energjinë,

TIRANË-Energjia që do i jepet Kosovës, do të jetë nga rezervat e shtetit shqiptar dhe se do të jenë vetëm dy ditë ndihmë. Kjo u tha ditën e sotme nga ministrja e Energjisë dhe Infrastrukturës Belinda Balluku, pas mbledhjes së qeverisë. Shqipëria do i japë energji Kosovës më datat 31 dhjetor dhe 1 janar. Ky do të jetë një borxh për Kosovën, e cila duhet ta kthejë kur të ketë mundësinë, që sipas Ballukut do të na kthehet në muajt e verës.

“E kemi bërë një njoftim dje, ka pasur interes. E para situata është një krizë ndërkombëtare, dhe ne ndodhemi në një moment të vështirë. Rama ka kërkuar që të gjendet me çdo kusht një mundësi që të furnizojë Kosovën për festa, i referohemi vetëm këtyre dy datave, gjitha vendet po përballen me një krizë, ne do të sakrifikojmë do të heqim nga rezervat tona për tia dërguar Kosovës. Kemi bërë një rakordim, sasia e dërguar 7 mijë e 680 mgb, do të nisim në orën 7 të datës 31 dhe do të transmetojmë deri në orën 24 të datës 1 janar. Do të jetë një instrument që do të jetë depozitim, nuk presim shkëmbim financiar, nuk presim në këto kushte të vështira që ata ndodhen që të paguajnë para, kjo sasi do të na kthehet kur ata të kenë komoditetin, në verë pra nga Qershori deri në Shtator, kur Shqipëria ndeshet me vështirësitë e rezervave hidrike. Kjo është një sakrificë që bëhet nga Republika e Shqipërisë. Do të mundohemi të krijojmë një mishel përmes depozitave që po krijohen me shpresë këto ditë nga reshjet që do të kemi dhe kemi për momentin dhe ne do të jemi në kushtet e importit edhe për Republikën e Shqipërisë. Kështu që do të jetë një mishelim edhe i rezervës hidrike që do të përdorim nga kaskada e Drinit, edhe i një blerje në rast se do të jetë e nevojshme. Shpresoj që do t’ja dalim me rezervat tona”, deklaroi ministrja Balluku.

Ndërsa e pyetur se nëse E-albania do t’i kalojë në menaxhim një kompanie private, ministrja Balluku e ka hedhur poshtë duke thënë se lajmi është i rremë. Ajto shtoi se që në muajin janar është kërkuar mbështetja e një kompanie të huaj, ‘General Jones Group’, e cila e ka një prezencë në Shqipëri, në marrëveshje me OST. Në ditët e para të janarit përfaqësues të saj do të jenë në Shqipëri për të nisur një analizë të thellë.

“Nëse është një lajm që qarkullon është i rremë, nuk ka një plan të tillë, të dhënat personale një pjesë e tyre janë kthyer në një lojë në telefonin e shumë personave. Nuk ka asnjë plan të tillë, Rama e ka bërë me dije që në muajin janar kemi kërkuar mbështetjen e një kompanie të huaj, ‘General Jones Group’, e cila e ka një prezencë në Shqipëri, në marrëveshje me OST. Në ditët e para të janarit përfaqësues të saj do të jenë në Shqipëri për të nisur një analizë të thellë”, tha Balluku.

Balluku tha se në mbledhjen e sotme të Këshillit të Ministrave, Ministria e Energjisë kishte disa çështje që u miratuan.

‘Në mbledhjen e sotme ministria e Energjisë kishte disa çështje që u miratuan. Projekti për energjinë dhe klimën, objektivat do të zbatohen deri në vitin 2030. Sot është marrë një vendim për lejet minerare, masa e mbajtur nga paratë që depozitohen si garanci e që më pas përdoren për të gjitha kthimet në identitet sot sipas kërkesës ka shkuar në 10%. Sot kemi pasur dhe disa projekvendime të tjera që kanë të bëjnë me shpronësime.‘- u shpreh ministrja.

Kosova aktualisht është duke u përballur me një krizë energjetike, e paprovuar në 15 vitet e fundit. Qeveria e kryeministrit Albin Kurti shpalli 60 ditë gjendje emergjente në lidhje me krizën energjitike. Kurti u ka bërë apel qytetarëve që të kursejnë sa më shumë energjinë elektrike si dhe ka fajësuar qeveritë e kaluara për situatën në fjalë. Kryeministri i Shqipërisë, Edi Rama lajmëroi ditën e djeshme se ka kërkuar nga Ministria e Infrastrukturës dhe Energjisë vlerësimin e çdo mundësie ndihme për Qeverinë e Kosovës. E gjitha në mënyrë që qytetarët të kalojnë vitin e ri me energji elektrike.

(a.b)/dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

kryesore politike belinda balluku kriza energjitike ne kosove belinda balluku kriza energjitike ne kosove