Sport

Në Sorbonë, Leonardo është shprehur se ende shpreson të rinovojë me Kylian Mbappé…

18 Dhjetor 2021, 06:26 Nga DOSJA

FRANCE – I ftuar në Sorbonë për të folur para studentëve të masterit me temën “ekonomia dhe menaxhimi i klubeve ndërkombëtare”, Leonardo foli edhe për tema aktuale në jetën e klubit parizien, si e ardhmja e Kylian Mbappé:

“Kylian është i mrekullueshëm për ju, e di. Ai është i ndryshëm, unik. Ju e dini se çfarë duam… Kjo është e qartë. Do të shohim”,- shpjegoi ai me një buzëqeshje. Sa i përket të ardhmes së Marquinhos, “ai do të qëndrojë për gjithë jetën, nuk dëshiron të largohet.”

Drejtori sportiv i PSG-së iu rikthye edhe pritshmërive në Champions League: “Kur shikon skuadrën tonë, thua vetes se duhet të ëndërrosh. Ne përfaqësojmë diçka unike në botë. Njerëzit flasin shumë dhe askush nuk e ka atë që kemi ne për dhjetë vjet. ‘Gjuajtja’ e fundit sigurisht që mungon, por mendoj se do të ndodhë…

Duhet të kapërcejmë idenë se nuk e kemi fituar kurrë Champions League. Ne duhet të bëjmë një punë më të madhe në kokën tonë. Unë nuk shoh asnjë kufi. Është e vërtetë që nuk kemi historinë e skuadrave të caktuara, por kemi strukturën, cilësinë dhe organizimin. Parisi është një qytet i veçantë, krahasuar me atë që përfaqëson. Por ka shumë shpërqendrim dhe kjo heq pak përqendrimin.”