Aktualitet

Mungesë hapësirash në vend, Danimarka merr me qira 300 qeli burgu në Kosovë

15 Dhjetor 2021, 21:18 Nga DOSJA
Mungesë hapësirash në vend, Danimarka merr me qira 300 qeli burgu

KOSOVË- Danimarka planifikon të marrë me qira 300 qeli burgu në Kosovë për të burgosurit që do të deportohen në fund të dënimit të tyre. The Guardian shkruan se ky është një projekti, i cili synon të lehtësojë mbipopullimin e burgjeve në Danimarkë. 

Ky projekt gjithashtu do të zgjerojë pronën e burgjeve të Danimarkës me 326 vende midis viteve 2022 dhe 2025. Popullsia e burgjeve të Danimarkës është rritur me 19% që nga viti 2015, duke arritur në më shumë se 4,000 të burgosur në fillim të vitit 2021 dhe duke tejkaluar 100% të kapacitetit.

Në të njëjtën periudhë, numri i gardianëve ra me 18% në kombin skandinav me 5.8 milionë banorë, ku të burgosurit me më pak se pesë vjet shërbejnë zakonisht në burgje të hapura.

“Do të na mungojnë deri në 1000 vende në burgjet deri në vitin 2025. Me marrëveshjen është rënë dakord që të merren me qira 300 burgje në Kosovë dhe të zgjerohet kapaciteti i burgjeve në Danimarkë për disa qindra vende”, tha në deklaratë ministri i drejtësisë, Nick Hækkerup.

Kosova nga ana tjetër ka 97% e kapacitetit të burgjeve të zena, sipas Raportit Botëror të Burgjeve të Universitetit të Londrës. Që nga viti 2020 në Kosovë janë 1,642 të burgosur që vuajnë dënimin.

(I.A/dosja.al)

Cila mendoni se është alternativa më e mirë:

View Results

kryesore rajoni danimarka danimarka merr qeli me qera kosove nick hækkerup danimarka danimarka merr qeli me qera kosove nick hækkerup

Sondazh

Poll

MË SHUMË