Aktualitet

I mituri dhunon babain, mashtrim me paratë! Aksion në Tiranë, 9 të arrestuar

7 Dhjetor 2021, 10:34 Nga DOSJA

I mituri dhunon babain, mashtrim me paratë! Aksion në Tiranë, 9

TIRANË– Nëntë persona janë arrestuar gjatë 24 orëve të fundit në kryeqytet, të akuzuar për vepra të ndryshme penale. Policia ka arrestuar një 18 vjeçar pasi i riu ka ushtruar dhunë fizike dhe psikologjike ndaj babait të tij si dhe i ka dëmtuar automjetin.

Policia ka arrestuar dhe një 59-vjeçar pasi akuzohet për veprën penale “Mashtrimi”, “Fshehja e të ardhurave” dhe “Mospagimi i taksave dhe tatimeve”, pasi nëpërmjet mashtrimit i ka marrë një parash dhe nuk i ka lëshuar faturë tatimore.

NJOFTIMI I POLICISË:

Vihen në pranga 9 shtetas dhe procedohen penalisht 5 të tjerë, për vepra të ndryshme penale. Specialistët për Hetimin e Krimeve në Komisariatin e Policisë Nr. 1 bënë arrestimin në flagrancë të shtetasit F. S., 18 vjeç, pasi ka ushtruar dhunë fizike dhe psikologjike ndaj babait të tij dhe i ka dëmtuar automjetin. Specialistët për Hetimin e Krimeve në Komisariatin e Policisë Vorë bënë arrestimin në flagrancë të shtetasit L. K., pasi në kundërshtim me vendimin e Gjykatës, i ka dëmtuar portën e oborrit dhe ka kanosur ish-bashkëshorten e tij, e cila është e pajisur me urdhër mbrojtje.

Specialistët e Qarkullimit Rrugor bënë arrestimin në flagrancë të shtetasve:

– F. Gj., 34 vjeç; A. K., 39 vjeç; A. Ç., 45 vjeç; E. P., 30 vjeçe; F. K., 52 vjeç dhe R. S., 33 vjeç, pasi u kapën duke drejtuar mjetet përkatëse, në gjendje të dehur;

– K. K., 39 vjeç, pasi ka aksidentuar shtetasen e mitur B. P., 16 vjeçe dhe më pas është larguar nga vendi i ngjarjes.

Specialistët e Seksionit për Hetimin e Krimit Ekonomik e Financiar proceduan penalisht shtetasin A. K., 59 vjeç, për veprat penale “Mashtrimi”, “Fshehja e të ardhurave” dhe “Mospagimi i taksave dhe tatimeve”, pasi nëpërmjet mashtrimit i ka marrë një parash dhe nuk i ka lëshuar faturë tatimore, shtetasit K. P., 36 vjeç.U referuan materialet në Prokurorinë pranë Gjykatës së Shkallës së Parë Tiranë, për shtetasit:

– V. D., 43 vjeç, për veprat penale “Tregtimi dhe transportimi i mallrave që janë kontrabandë”, “Mosdeklarimi në kufi i të hollave dhe i sendeve me vlerë”, “Fshehja e të ardhurave” dhe “Shkelja e të drejtave të pronësisë industriale”;– A. D., 53 vjeç, për veprat penale “Mashtrimi”, “Fshehja e të ardhurave” dhe “Mospagimi i taksave dhe tatimeve”;– B. K., 46 vjeç dhe E. K., 18 vjeç, për veprën penale “Dëmtime të tjera me dashje”.Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.

(a.b)/dosja.al

Cila mendoni se është alternativa më e mirë:

View Results

aktualitet aktualitet arrestim ne tirane tirane arrestim ne tirane tirane